ကနီ ၊ အောက်တိုဘာ ၇ ၊ ၂၀၂၂ ။
စစ်ကိုင်းတိုင်း၊ ကနီမြို့ နယ်၊ ချင်းတွင်းမြစ်အတွင်း စစ်ကောင်စီ စစ်သင်္ဘော ၁၃ စီးပေါ်မှ စစ်သားအင်အား ၁၀၀ ဝန်းကျင်အား စနိုက်ပါဖြင့်ပစ်ခတ်ခဲ့လို့ တပ်သား ၅ ဦးသေဆုံးခဲ့ကြောင်း KLG တပ်မဟာ ထံမှ သိရသည်။
ယနေ့ အောက်တိုဘာလ ၇ ရက်နေ့မှာ စနိုက်ပါဖြင့်ပစ်ခတ်ခဲ့ရာ ရေထဲပြုတ်ကျသွားသည်ကို မြင်တွေ့ခဲ့ရကြောင်း ကျောက်လုံးကြီး KLG တပ်မဟာ တာဝန်ခံက မြေလတ်အသံကိုပြောသည်။
"၆ ရက်နေ့က ကနီကနေထွက်တဲ့ စစ်သင်္ဘော ၁၃ စီးပါ၊ကနီမြို့နယ် အုန်းမရွာမှာညအိပ်ပါတယ်၊ ညကအိပ်ပြီးအုန်းမရွာကို လက်နက်ကြီးလက်နက်ငယ်နဲ့ထုတယ်၊ အုန်းမရွာကနေ မနက် ၆ နာရီထိုးထွက်တဲ့အချိန်မှာ ကဲတောင့်နဲ့ကြောင်မျှော်တောင်အနီးမှာ ပစ်ခတ်တိုက်ခိုက်ခဲ့တာ၊ သင်္ဘောပေါ်မှာကားတွေတော်တော်များများပါတယ်၊ ပြီးတော့ရိက္ခာတွေပါတယ်၊ ဒီဇယ်တွေလည်းပါတယ်၊ စနိုက်ပါနဲ့ပစ်တာမှာတော့ ၅ ကောင်သေတယ်၊ ရေထဲပြုတ်ကျသွားတာလည်းမြင်ရတယ်" ဟု ၎င်းက ဆိုသည်။
လက်ရှိတွင် စစ်သင်္ဘော ၁၃ စီးမှာ မင်းကင်းနယ်ထဲရောက်ရှိသွားပြီး မင်းကင်းနယ်ထဲတွင်ဆက်လက်တိုက်ပွဲဖြစ်နေတယ်ကြောင်း သိရသည်။
စက်တင်ဘာ ၄ ရက်နေ့ကလည်း စစ်ကောင်စီ စစ်သင်္ဘော ၁၃ စီးအား ကနီနယ်အတွင်း ကျောက်လုံးကြီး KLG တပ်မဟာကပစ်ခတ်တိုက်ခိုက်ခဲ့ရာ စစ်သား ၂၀ သေဆုံးပြီး ထောက်ပို့ဖလက်သင်္ဘော ၁ စီးမီးလောင်ကြောင်းသိရသည်။
မြေလတ်အသံ - Myaelatt Athan
Reviewed by THITHTOOLWIN
on
19:13
Rating:
No comments:
Post a Comment