မြိုင်၊ အောက်တိုဘာ ၇၊ ၂၀၂၂။
မကွေးတိုင်း၊ မြိုင်မြို့နယ်အနောက်တောင်ပိုင်းရှိ ဝက်ပုတ်ကျေးရွာကပျူစောထီးစခန်းကို အောက်တိုဘာလ ၅ ရက်ညပိုင်းမှာ ဒေသခံကာကွယ်ရေးတပ်ဖွဲ့ဝင်တွေက လက်နက်ကြီးနဲ့ပစ်ခတ်တိုက်ခိုက်ခဲ့ပါတယ်၊၊
အဲ့ဒီစခန်းမှာ စစ်ကောင်စီတပ်သားနဲ့ ပျူစောထီး စုစုပေါင်းအင်အား ၇၀ ဝန်းကျင်တပ်စွဲနေပြီး၊ သူတို့ကို ည ၉ နာရီလောက်မှာ ၆၀ မမ၊ ၈၀ မမ စတဲ့လက်နက်ကြီးတွေနဲ့ အချက် ၃၀ ခန့်ပစ်ခတ်တိုက်ခိုက်ခဲ့တယ်လို့ ဝံပုလွေပြောက်ကျားတပ်ဖွဲ့ (မြိုင်)မှ ဗိုလ်မီးပွားက ပြောပါတယ်၊၊
“ကျနော်တို့ ည ၉ နာရီဝန်းကျင်မှာစပစ်တာ၊ လက်နက်ကြီးတွေ Rocket တွေနဲ့လည်းထုခဲ့တယ်၊ ၈၀ မမ ၆၀ မမ ၁၂၀ မမ တွေနဲ့ထုခဲ့တယ်၊ စစ်သားနဲ့ပျူအင်အား ၇၀ ဝန်းကျင်ရှိတယ်၊ ပစ်ခတ်တိုက်ခိုက်တာ ၄၅ မိနစ်ကြာခဲ့တယ်၊ သေဆုံးမှုကမသိရသေးဘူး၊ ဒဏ်ရာရတာတော့ရှိတယ်လို့ကြားရတယ်” လို့ ပြောပါတယ်၊၊
ဒီတိုက်ခိုက်မှုကြောင့် ထိခိုက်သေဆုံးမှုရှိ၊ မရှိကိုအတည်မပြုနိုင်သေးပေမယ့် အဲ့ဒီရွာက ပျူစောထီးနေအိမ် ၇ လုံးကတော့ မီးလောင်ပျက်ဆီးခဲ့တယ်လို့ ဗိုလ်မီးပွားကပြောပြပါတယ်၊၊
ပြီးခဲ့တဲ့ အောက်တိုဘာလ ၂ ရက်မနက်အစောပိုင်းကလည်း စစ်ကောင်စီတပ်သားတွေတပ်စွဲနေတဲ့ မြိုင်မြို့နယ်၊ အနောက်တောင်ပိုင်းရှိ သရက်ကန်ရွာက ပျူစောထီးစခန်းကို လက်နက်ကြီးတွေနဲ့ ပစ်ခတ်တိုက်ခိုက်ခဲ့ပါသေးတယ်၊၊
မြေလတ်အသံ - Myaelatt Athan
Reviewed by THITHTOOLWIN
on
19:29
Rating:
No comments:
Post a Comment