 |
| (အမရပူရမြို့နယ်မှ စစ်ကောင်စီလက်အောက်ခံ ရဲတပ်ဖွဲ့စခန်းတစ်ခုအား တွေ့ရစဥ်၊ဓာတ်ပုံ - CJ) |
▪️မိုင်းမတော်တဆဖြစ်ပြီး UG ရဲဘော်နှစ်ဦးဒဏ်ရာရ
မန္တလေးတိုင်း အမရပူရမြို့နယ် ဆင်စွယ်ပွတ်ရပ်ကွက်မှ စစ်ကောင်စီအုပ်ချုပ်ရေးမှူးရုံးတစ်ရုံးကို ဖောက်ခွဲတိုက်ခိုက်ခဲ့ကြောင်း Truth Keeping Force - Amarapura(TKF-AMA)က ယနေ့(စက်တင်ဘာ ၅) ထုတ်ပြန်သည်။
အဆိုပါတိုက်ခိုက်မှုကို ယမန်နေ့ (စက်တင်ဘာ ၄ ရက်) နေ့လယ် ၃ နာရီဝန်းကျင်ခန့်က ပြုလုပ်ခဲ့ခြင်းဖြစ်ပြီး ယင်းတိုက်ခိုက်မှုတွင် မိုင်းမတော်တဆဖြစ်ကာ TKF-AMA မှ တော်လှန်ရေးရဲဘော်နှစ်ဦး ထိခိုက်ဒဏ်ရာ(မစိုးရိမ်ရ)ရခဲ့ကြောင်း ဖော်ပြသည်။
"အရေးပေါ်အခြေနေတွင် အဖက်ဖက်မှ ကူညီပေးခဲ့သောမိဘပြည်သူများနှင့် တော်လှန်ရေးရဲဘော်များအား TKF-AMA မှ အထူးပင်ကျေးဇူးတင်ရှိပါ သည်"ဟု ထုတ်ပြန်ချက်က ဆိုသည်။
ယခုအချိန်တွင် စိတ်ချရသောအခြေနေသို့ ရောက်ရှိနေပြီဖြစ်ပြီး နောက်နောင်တွင် ပိုမိုထိရောက်သောလုပ်ဆောင် ချက်များနှင့် ဆက်လက်တော်လှန်သွားမည်ဖြစ်ကြောင်း TKF-AMA က အသိပေးသည်။
အထက်ပါတိုက်ခိုက်မှုတွင် ဆင်စွယ်ပွတ်ရပ်ကွက်မှ အုပ်ချုပ်ရေးမှူးရုံးမှ မှန်တံခါးများကွဲသွားပြီး ရုံးအဆောက်အအုံ ထိခိုက်ပျက်စီးမှုအနည်းငယ်ရှိခဲ့ကာ လူထိခိုက်မှုရှိ၊မရှိ မသိရသေးပေ။
လက်ရှိတွင် ဒဏ်ရာရခဲ့သောရဲဘော်များ စိတ်ချလုံခြုံသည့်နေရာသို့ ရောက်ရှိပြီဖြစ်ကာ ဆေးကုသမှုခံယူလျှက်ရှိကြောင်း TKF-AMA က အသိပေးထုတ်ပြန်ထားသည်။
People's Spring
Reviewed by THITHTOOLWIN
on
19:30
Rating:
No comments:
Post a Comment