ကနီနယ် ချောင်းမရွာအနီး လက်ပြန်ကြိုးတုပ် နှိပ်စက်ကာ မီးရှို့သတ်ဖြတ်ခံထားရသည့် အရပ်သား ၅ ဦး အလောင်းများ တွေ့ရှိ
 |
| ဓာတ်ပုံ- သတ်ဖြတ်ခံထားရသူများနှင့် ဖျက်ဆီးခံရသည့်ကား |
ကနီ၊ ဩဂုတ် ၂၇
စစ်ကိုင်းတိုင်း ကနီမြို့နယ် ချောင်းမရွာအနီး၌ မီးရှို့ နှိပ်စက် သတ်ဖြတ်ခံထားရသည့် အရပ်သားပြည်သူ ၅ ဦး၏ ရုပ်အလောင်း များကို ယနေ့ ဩဂုတ်လ ၂၇ ရက်၌ တွေ့ရှိခဲ့ကြောင်း ဒေသခံတစ်ဦးက လူငယ့်ခေတ်သို့ ပြောသည်။
"နှိပ်စက်ခံထားရတာမျိုးပါ။ လက်ကိုကြိုးတုပ်ထားတယ်။ ကိုယ်လုံးတီး ချွတ်ထားတယ်။ သေနတ်ကျည်ဒဏ်ရာလည်းရှိတယ်။ မီးရှို့ပြီး ထားခဲ့တာပါ" ဟု ၎င်းက ရှင်းပြသည်။
ဩဂုတ်လ ၂၆ ရက်တွင် စစ်ကောင်စီတပ်သည် ချောင်းမရွာသို့ ၀င်ရောက်စီးနင်းခဲ့ပြီးနောက် တစ်ရက်အကြာတွင် အမျိုးသား ၅ ဦး၏ ရုပ်အလောင်းများကို ရှာဖွေတွေ့ရှိခဲ့ခြင်း ဖြစ်သော်လည်း သေဆုံးခဲ့ရသူများမှာ မည်သူမည်ဝါဖြစ်ကြောင်းကို အတည် မပြုနိုင်သေးကြောင်း ဒေသခံများက ပြောကြသည်။
အရပ်သားပြည်သူများ၏ ရုပ်အလောင်းများအနီး၌ မီးလောင်ထားသည့် ကား ၄ စီးနှင့် ဆိုင်ကယ် ၂ စီးကိုလည်း တွေ့ရှိခဲ့ရသည်ဟု သိရသည်။
"နှစ်ယောက်တစ်တွဲစီ ကားနားမှာတွေ့တာ။ တစ်ယောက်ကတော့ ဆိုင်ကယ်နားက တွေ့တာပါ"ဟု ဒေသခံကပြောသည်။
ချောင်းမရွာမှ ထွက်ခွာသွားသည့် စစ်ကောင်စီတပ်သည် လက်ရှိအချိန်၌ ချောင်းမ - ကနီးလမ်းဘေးရှိ သင့်၀င်၊ မင်းမနှင့် သမင်ခြံ စသည့်ကျေးရွာများ၌ ထိုးစစ်ပြုလုပ်နေသည်။
စစ်ကောင်စီထိုးစစ်ကြောင့် တိုက်ပွဲများဖြစ်ပွားနေသည့်အတွက် ဒေသတွင်း၌ အရပ်သားပြည်သူ ၂ သောင်းကျော် မိုးရွာနေစဉ် အတွင်း ဘေးလွတ်ရာသို့ ထွက်ပြေးနေရသည်။
Lu Nge Khit
Reviewed by THITHTOOLWIN
on
22:48
Rating:
No comments:
Post a Comment