ဒုံးပျံ Local PDFကအတွဲလိုက်တာ​ဝေးပစ်​ရှော့တိုက်အ​မြောက်ထုတ်လုပ်ပြီးစစ်​ကောင်စီတပ်ဂိတ်ကိုတိုက်လိုက်

အတွဲလိုက်တာဝေးပစ်ရှော့တိုက်အမြောက်ကို ဘုတလင်မြို့အခြေစိုက် ဒုံးပျံ​ဒေသခံပြည်သူ့ကာကွယ်ရေးအဖွဲ့ (Local PDF)က​​အောင်မြင်စွာထုတ်လုပ်နိုင်ခဲ့ပြီး စစ်ကောင်စီဂိတ်ကို ယင်းလက်နက်ဖြင့် ပစ်ခတ်တိုက်ခိုက်ခဲ့​ကြောင်းထုတ်ပြန်သည်။

တာဝေးပစ်ရှော့တိုက်အမြောက်ကိုမေ ၃၁ရက်ကအပြီးသတ်ထုတ်လုပ်နိုင်ခဲ့ခြင်းဖြစ်သည်။ ထို့နောက်ယနေ့( ဇွန် ၁ရက်) နံနက် ၁၁နာရီ ၃၀မိနစ်ခန့်တွင် စစ်ကောင်စီဂိတ်ကို ပစ်ခတ်တိုက်ခိုက်ခဲ့သည်ဟု ဒုံးပျံ Local PDFကထုတ်ပြန်ထားသည်။ ပစ်ခတ်တိုက်ခိုက်မှု​ကြောင့်စစ်​ကောင်စီတပ်​သေဆုံးထိခိုက်မှု ရှိ၊မရှိကိုမူ​ဖော်ပြထားခြင်းမရှိ​ပေ။တိုက်ခိုက်မှု​နောက်ဆက်တွဲကို  People's Spring အ​နေဖြင့်လည်းသီးခြားအတာ်မပြုနိုင်​ပေ။

စစ်ကောင်စီတပ်ကဘုတလင်မြို့အထွက် ကြောင်ပန်းတောရကျောင်းအနီးတွင်အထိုင်ချကာပြည်သူလူထုထံမှဆပ်ကြေးကောက်နေ၍ တိုက်ခိုက်ခဲ့ခြင်းဟု​ဖော်ပြထားသည်။ 

" နောက်နေ့တွေ ထပ်စစ်နေရင်လည်း ထပ်ပစ်ခတ်နေဦးမှာပါ" ဟု ဒုံးပျံLocal PDFက သတိ​ပေးသည်။ 

"ဖြတ်သန်းသွားလာနေတဲ့ ပြည်သူတွေဆီကနေအကြောင်းမရှိဘဲ ငွေကြေးများအတင်းအကြပ်တောင်းရမ်းကောက်ခံနေတဲ့အတွက်ကြောင့်မို့ ဂိတ်ရှိနေသ၍ ထိုဂိတ်‌နေရာကိုဆက်ပြီးပစ်ခတ်နေဦးမှာပါ " ဟုလည်းအသိ​ပေးသည်။ 

ဒုံးပျံLocal PDFအဖွဲ့သည် ​ဖေ​ဖော်ဝါရီ ၃ ရက်ည​နေက မုံရွာရှိ အ​နောက်​မြောင်တိုင်းစစ်ဌာနချုပ်(နမခ)အတွင်းသို့အခြားPDF  များနှင့်ပူး​ပေါင်း၍ အ​မြောက်ဖြင့်ပစ်ခတ်တိုက်ခိုက်ခဲ့သည်။ ​မေလ တတိယအပါတ်တွင်လည်း စစ်​ကောင်စီတပ်ကို အ​မြောက်ဖြင့်ပစ်ခတ်တိုက်ခိုက်ခဲ့​သည်။

People's Spring