ဒီးမော့ဆိုမြို့နယ်၊ ပူဖားရွာအတွင်း တပ်စွဲထားသည့် စစ်ကောင်စီတပ်ကို KNDF တိုက်ခိုက် အနည်းဆုံး ၃ဦးသေဆုံး

Photo- Karenni Nationalities Defense Force KNDF - B-06

ကရင်နီ(ကယား)၊ ဒီးမော့ဆိုမြို့နယ်၊ ပူဖားရွာအတွင်း တပ်စွဲထားသည့် အာဏာသိမ်းစစ်ကောင်စီတပ်ကို အမျိုးသမီးကွန်မန်ဒိုတပ်ဖွဲ့ဝင် နှစ်ဦးပါသည့် KNDF B 06 က ယနေ့ဇွန်လ(၁၂)ရက်နေ့၊ နံနက်ပိုင်းတွင် သွားရောက်တိုက်ခိုက်ခဲ့ကြောင်း သိရသည်။

(၄၅)မိနစိခန့် တိုက်ပွဲ ပြင်းထန်ခဲ့ပြီး စစ်ကောင်စီတပ်သား(၃) ဦးနှင့်အထက် ထိခိုက်နိုင်ပြီး KNDF B 06 မှ ရဲဘော်နှစ်ဦး လက်နက်ကြီးထိမှန်(မစိုးရိမ်ရ)ဒဏ်ရာရရှိခဲ့ကြောင်း သိရသည်။

တိုက်ပွဲအတွင်း စစ်ကောင်စီဘက်မှ လက်နက်ကြီးပစ်ကူအများပြားပစ်ခေတ်ခဲ့သဖြင့် KNDF B 06 တပ်ဖွဲဝင်များ ပြန်လည်ဆုတ်ခွာခဲ့ကြောင်း သိရသည်။

စစ်ကောင်စီတပ်များ တပ်စွဲထားသည့်နေရာများတွင် အချိန်မရွေး ထိတွေ့တိုက်ပွဲများပြင်းထန်နိုင်သဖြင့် ဒေသခံများ ဖြတ်သန်းသွား လာခြင်းများ ရှောင်ကျဥ်ကြရန် မေတ္တာရပ်ခံထားသည်။

Tachileik News Agency