ကနီမြို့နယ် ကျေးရွာများတွင် မွှေနှောက် ဖျက်ဆီးနေသော အကြမ်းဖက်စစ်တပ်ကိုမိုင်းဆွဲတိုက်ခိုက်ရာ ၁၀ ဦးကျော် သေဆုံး

ကနီ၊ ဇွန် ၆ 

စစ်ကိုင်းတိုင်း၊ ကနီမြို့နယ် သပြေတောနှင့်တောင်ပျောက်ရွာကြားတွင် အကြမ်းဖက် စစ် ကောင်စီတပ်ကို ဒေသခံတော်လှန်ရေးအဖွဲ့မှမိုင်းဆွဲတိုက်ခိုက်ခဲ့ရာ စစ်ကောင်စီတပ်သား ၁၀ဦးကျော်သေဆုံးကြောင်းကနီ မြို့နယ် PDF ကျောက်လုံးကြီး KLG-PDF မှ သိရသည်။

"မနေ့က  ၉ နာရီဝန်းကျင် စစ်ခွေး( အကြမ်းဖက်စစ်ကောင်စီတပ်သား) တွေမိုင်းသုံးလုံးမိပြီး ဆယ်ကောင်အထက်သေတယ်ဗျ။ ပြီးတော့ စစ်ခွေးတွေက ဒရုန်းနဲ့ ဗုံးချ​ပြီးပြန်တိုက်တာ ရဲဘော် ၄ယောက် မစိုးရိမ်ရဒဏ်ရာရခဲ့တယ် " ဟု KLG-PDF တာဝန် ရှိသူတစ်ဦးကလူငယ့်ခေတ်သို့​ပြောသည်။

အကြမ်းဖက်စစ်ကောင်စီတပ်မှ အင်အား ၈၀ ကျော်ဖြင့် ကနီမြို့၊ ချင်းတွင်းမြစ်အနောက်ဘက်ကမ်းတွင်စစ်ကြောင်းထိုးနေခြင်းဖြစ်သည်။

 ထို့ပြင် ကနီမြို့နယ် ၊ အိုင်တောင်ရွာများကိုဖြတ်၍  သပြေတောရွာ၊ နတ်လာပို့မြောက်ရွာ၊ နတ်လာပို့တောင်ရွာ ၊ ဒေါင်းခြံ၊နွား ခြံကုန်းရွားများမှ တဆင့်ချင်းတွင်းမြစ် ကြောင်းအတိုင်း စစ်ကြောင်းထိုးနေသည်။

"မနေ့က သရက်ပင်ရွာက ‌ပြည်သူတစ် ယောက်အသတ်ခံရတယ်။ နောက်ပြီး ဒေါင်းခြံက ပြည်သူတစ်ယောက် အသတ်ခံရတယ်။ ယောင်္ကျားလေးတွေကြီးပဲ။ စစ် ဘေးဒုက္ခသည်တွေ ဖမ်းပီးသတ်တာဗျ " ဟု  KLG-PDF တာဝန်ရှိသူတစ်ဦးကလူငယ့်ခေတ်သို့​ပြောသည်။

လက်ရှိ ကနီတစ်မြို့နယ်လုံးတွင် အကြမ်းဖက်စစ်ကောင်စီကြောင့် ထွက်ပြေးတိမ်းရှောင်နေရသည့် ပြည်သူ ငါးသောင်းကျော် ရှိနေပြီး အများစုမှာ နေအိမ်မီးရှို့ခံရခြင်းကြောင့် နေစရာအိမ်ပျောက်ဆုံးနေသူများဖြစ်ကြောင်း ဒေသခံတော်လှန်ရေးအဖွဲ့များထံမှသိရသည်။

Lu Nge Khit