 |
| ဓာတ်ပုံ-ခင်ဦးမြို့နယ်သတင်းမှန်ပြန်ကြားရေး |
ဇွန် ၁၃၊ ၂၀၂၂ ။
စစ်ကိုင်းတိုင်း၊ ရွှေဘိုခရိုင် ၊ ခင်ဦးမြို့နယ်ကြို့ကန်ကျေးရွာအား အကြမ်းဖက်စစ်ကောင်စီတပ် များနှင့် ပျူစောထီးအဖွဲ့တို့သည် ဇွန်လ၁၁ရက်ညနေပိုင်းတွင် နေအိမ်၃၅အိမ်ကို မီးရှို့ဖျက်ဆီးခဲ့သည်။
ထို့ပြင် နေအိမ်(၂)လုံးမှာလည်း လက်နက်ကြီးရမ်းသမ်းပစ်ခတ်မှုကြောင့် ပျက်စီးသွားခဲ့ရသည်။
အဆိုပါစစ်ကောင်စီတပ်ဖွဲ့သည်ကြို့ကန်ရွာကို မီးရှို့ရန် လာခဲ့ရာ ဗျူဟာလမ်း၌ မိုင်းဆွဲခံခဲ့ရပြီး ရပ်တန့်နေချိန် ရွှေဘိုမြို့ဘက်မှပြန်လာသော ခင်ဦးနယ်ဒေသခံ၂ဦးအား ဓားစာခံအဖြစ် ဖမ်းဆီးသည်။
ထို့နောက်ကျေးရွာမှ ပြန်ထွက်သွားချိန်တွင်ထိုပြည်သူ၂ဦးအား ပစ်သတ်ထားခဲ့သည်ဟု ခင်ဦးမြို့နယ်သတင်းမှန်ပြန်ကြားရေးအဖွဲ့ကဖော်ပြထားသည်။
သတ်ဖြတ်ခံခဲ့ရသော အရပ်သားပြည်သူ၂ဦးမှာ ခင်ဦးမြို့နယ်အင်တိုင်းကြီးကျေးရွာမှ ကိုချမ်းသာ(ခန့်မှန်းအသက်-၄၀)နှင့် အဖော်တစ်ဦးတို့ဖြစ်သည်ဟု သိရသည်။
ခင်ဦးမြို့နယ်တွင် လက်ရှိအာဏာသိမ်းကာလအတွင်း၌ အကြမ်းဖက်စစ်ကောင်စီတပ်များသတ်ဖြတ်ခဲ့မှုကြောင့် သေဆုံးရဲဘော်နှင့်ပြည်သူပေါင်း ၁၅၇ဦးအထိရှိနေပြီဖြစ်သည်ဟု ခင်ဦးမြို့နယ်သတင်းမှန်ပြန်ကြားရေးအဖွဲ့က ဖော်ပြထားသည်။
သံလွင်ခက် - Than Lwin Khet News
Reviewed by THITHTOOLWIN
on
22:50
Rating:
No comments:
Post a Comment