မေ ၁၃ ရက်
သျှမ်းတောင် တောင်ကြီးမြို့ရှိ ပြည်သူများအနေဖြင့် မေလ ၁၄ ရက်တွင် ပစ်ခတ်မှုများဖြစ်ပွားနိုင်သဖြင့် အရေးကြီးကိစ္စမရှိဘဲ အပြင်မထွက်ကြရန် Shan Youth's Fedral Democratic Army (SYFDA-Rangers) မှ ယနေ့ (မေ ၁၃) ရက်စွဲဖြင့် အသိပေးထုတ်ပြန်ထားသည်။
တောင်ကြီးမြို့ပေါ်တွင် သေနတ်ပစ်ခတ်သံများဖောက်ခွဲသံများကြားပါက မစပ်စုဘဲ ပြည်သူများ မိမိတို့၏ နေအိမ်တွင်သာ လုံလုံခြုံခြုံနေရန် နှင့် အချိန်မရွေးပစ်ခတ် တိုက်ခိုက်မှုများ ဖြစ်ပွားနိုင်သောကြာင့် SYFDA Rangers က အထူးအသိပေးထားသည်။
“မနက်ဖန် ကျနော်တို့ အရေးကြီးတဲ့ Mission လုပ်မှာမို့ပါ။ ဒါကြောင့် လမ်းသွားလမ်းလာတွေမလုပ်ဖို့ပါ။ နေရာတိုင်းမှာ ပစ်ခတ်မှုဖြစ်နိုင်လို့ပါ” ဟု SYFDA Rangers အဖွဲ့မှ တာ၀န်ရှိသူတစ်ဦးက သျှမ်းသံတော်ဆင့် ကို ပြောသည်။
ထို့အပြင် SYFDA-Rangers အဖွဲ့သည် တောင်ကြီးမြို့ရှိ Play House Bar & Club ကို လုံခြုံရေး ယူပေး နေသည့် စစ်ကောင်စီတပ်သားတစ်ဦး မေလ ၁၂ ရက်က လက်နက်မပါဘဲ အပေါ့လာသွားစဉ် ဖမ်းဆီးထားပြီး စစ်ဆေးချိန်၌ လက်နက်လုကာ ခုခံသဖြင့် ပစ်ခတ်ရှင်းလင်းခဲ့ကြောင်းကိုလည်း ယနေ့ (မေ ၁၃) ရက်တွင် ထုတ်ပြန်ခဲ့သည်။
Shan Youth's Fedral Democratic Army (SYFDA-Rangers) အဖွဲ့ကို ယခင်နှစ်၊ ဖေဖော်ဝါရီလ ၁၇ ရက်က စစ်အာဏာရှင်မလိုလားသော တောင်ကြီးမြို့ခံလူငယ်များဖြင့် စတင်တည်ထောင်ထားသည့် အဖွဲ့ဖြစ်သည်။
ထိုအဖွဲ့သည် စစ်အာဏာရှင်စနစ်ကို အမြစ်ပြတ်တိုက်ထုတ်ရန်၊ စစ်အစိုးရ၏ လည်ပတ်နေသော ယန္တရားများရပ်တန့်ရန် နည်းလမ်းမျိုးစုံဖြင့် တော်လှန်သွားမည်ဖြစ်ကြောင်း ရည်ရွယ်ပြီး တည်ထောင်ထားခြင်းဖြစ်ကြောင်း သိရသည်။
SHAN News (Burmese Version)
Reviewed by THITHTOOLWIN
on
19:15
Rating:
No comments:
Post a Comment