နန်းထိုက်အောင်စစ်ဆင်ရေးအဖြစ် ကော့မှူးတွင် စစ်တပ်ယာဉ်တန်းကို PDF တိုက်ခိုက်၊ ၃ ပွင့်ဗိုလ်တစ်ဦးအပါအဝင် ၂ ဦးသေ

မေလ ၃ ရက်

ရန်ကုန်တောင်ပိုင်းခရိုင်၊ ကော့မှူးမြို့နယ်အတွင်း မကျီးကန်-ကျိုက်ထော် လမ်းမပေါ် ရှိ ငှက်အော်စမ်းကျေးရွာအနီးတွင် ယနေ့ ညနေ ၃:၂၅ ဝန်းကျင်က အကြမ်းဖက်စစ်ကောင်စီယာဉ်တန်းကို တောင်ပိုင်းခရိုင် ပြည်သူ့ကာကွယ်ရေးတပ်ဖွဲ့မှ ကြားဖြတ်တိုက်ခိုက်ခဲ့သည်ဟု သိရသည်။

နန်းထိုက်အောင် စစ်ဆင်ရေး၏ အစိတ်အပိုင်းတစ်ခုဖြစ်သော အဆိုပါတိုက်ခိုက်မှုတွင် အကြမ်းဖက်စစ်တပ်မှ ၃ ပွင့်ဗိုလ်တစ်ဦးအပါအဝင် ၂ ဦးသေဆုံးပြီး ၂ ဦး ဒဏ်ရာပြင်းထန်သည်ဟု ဒေသတွင်းသတင်းရင်းမြစ်မှ သိရသည်။ တိုက်ခိုက်ခံရသော စစ်ကောင်စီယာဉ်တန်းမှ တစ်ဦးခေါင်းကိုထိကာ ပွဲချင်းပြီးသေဆုံးခဲ့ကာ၊ နောက်ထပ်တစ်ဦးမှာလည်း ကော့မှူးမြို့အရောက်တွင် သေဆုံးခဲ့ခြင်းဖြစ်သည်ဟု ပြည်သူ့ကာကွယ်ရေးတပ်ဖွဲ့ဝင်တစ်ဦး၏ ပြောကြားချက်ကို ဒေသအခြေစိုက် Kawhmu News Agency မှ ဖော်ပြထားသည်။ 

ယနေ့ တိုက်ခိုက်မှုတွင် ပြည်သူ့ကာကွယ်ရေးတပ်ဖွဲ့များ အထိအခိုက်မရှိ အောင်မြင်စွာ ဆုတ်ခွါနိုင်ခဲ့သည်ဟုလည်း သိရှိရပါသည်။

HTY Information