စစ်ကောင်စီတပ်ယာဥ်တန်းနှင့် မတူပီ CDFတို့ တိုက်ပွဲဆက်ဖြစ်၊ စစ်သား ၁၅ဦးသေဆုံးထား

ဧပြီ ၂၈ ၊ ၂၀၂၂ ။

ချင်းပြည်နယ် မတူပီမြို့မှ မကွေးတိုင်းကျောက်ထုမြို့ဘက်သို့ မတူပီ-မင်းတပ်လမ်းအတိုင်း ဆင်းလာသောစစ်ကောင်စီတပ် ယာဥ်တန်းနှင့် ယနေ့တွင်လည်း တိုက်ပွဲဖြစ်ပွားခဲ့သည်ဟု မတူပီ CDF သတင်းထုတ်ပြန်ထားသည်။

ယနေ့ ဧပြီလ ၂၈ ရက်၊ နံနက် ၇နာရီခွဲအချိန်တွင် မတူပီမြို့မှ ၁၆ မိုင်အကွာ မတူပီ-မင်းတပ်လမ်းမကြီးပေါ်၌ စစ်ကောင်းစီတပ်ယာဥ်တန်းနှင့် မတူပီ CDF တို့ တိုက်ပွဲဖြစ်ပွားခဲ့သည်။

အဆိုပါတိုက်ပွဲအတွင်း၌ စစ်ကောင်စီတပ်ဖက်မှ ၇ ဦးသေဆုံးပြီး အများအပြားဒဏ်ရာရရှိခဲ့သည်။

အင်အား ၃၀၀ ဝန်းကျင်အထိပါသော စစ်ကောင်စီတပ်ကား ၇၀ခန့်ပါယာဥ်တန်းသည် ယမန်နေ့တွင် မတူပီမြို့ကထွက်ခွာလာခဲ့ရာ မတူပီမြို့မှ ၈ မိုင်ခန့်အကွာ၌ တိုက်ပွဲဖြစ်ပွားခဲ့သည်။

အဆိုပါတိုက်ပွဲအတွင်း၌လည်း စစ်ကောင်စီတပ်ဖက်မှ ၈ ဦးသေဆုံးပြီး အများအပြား ဒဏ်ရာရရှိခဲ့သည်။

တိုက်ပွဲ နှစ်ရက်အတွင်း၌ မတူပီ CDF ရဲဘော်များထိခိုက်မှုမရှိဘဲ အောင်မြင်စွာဆုတ်ခွာနိုင်ခဲ့သည်။

သံလွင်ခက် - Than Lwin Khet News