ကရင်နီ(ကယား)ပြည်နယ်၊ ဖရူဆိုမြို့နယ် ဒေါညေးခူကျေးရွာအတွင်း ကင်းစောင့်နေသည့် အကြမ်းဖက်စစ်ကောင်စီတပ်ကို တိုက်ခိုက်ရာ သုံးဦးသေဆုံးခဲ့ကြောင်း ကရင်နီအမျိုးသားများကာကွယ်ရေးတပ်(KNDF) တပ်ရင်း- ၁၅က ထုတ်ပြန်သည်။
ယနေ့(ဧပြီ ၇ရက်) နံနက် ၉နာရီခန့်တွင် ကရင်နီတပ်မတော်(KA)နှင့်အတူ KNDFပူးပေါင်းတပ်ဖွဲ့တို့မှ အကြမ်းဖက်စစ်ကောင်စီတပ်ဖွဲ့ကို ရှောင်တခင်ဝင်ရောက်တိုက်ခိုက်ခဲ့ခြင်းဟု ဆိုသည်။
တိုက်ပွဲအတွင်းအကြမ်းဖက်စစ်ကောင်စီတပ် ဦးသေဆုံးကာ ကရင်နီပူးပေါင်းတပ်မှ တစ်စုံတစ်ရာထိခိုက်မှုမရှိဘဲပြန်လည်ဆုတ်ခွာနိုင်ခဲ့ကြောင်း ထုတ်ပြန်ချက်၌ ဖော်ပြ သည်။
မတ်လနောက်ဆုံးပတ်ကစ၍ အကြမ်းဖက်စစ်ကောင်စီတပ်သည် ဖရူဆိုမြို့နယ်အတွင်း စစ်ကြောင်းထိုးမှုများစတင်ခဲ့ပြီးနောက် ကရင်နီပူးပေါင်းတပ်များနှင့် မကြာခဏ ထိတွေ့တိုက်ပွဲများ ဖြစ်ပွားလျှက်ရှိနေသည်။
ယခုလ ၃ရက်နှင့် ၄ရက်တို့တွင် ကဒါးလားကျေးရွာအနီး တိုက်ပွဲတွင်လည်း စစ်ကောင်စီတပ်သား ခြောက်ဦးသေ ဆုံးခဲ့သည်။
စစ်ရေးအခြေအနေအရ ဖရူဆိုမြို့နယ်ထီးပေါ်ဆိုအုပ်စုအတွင်းပြည်သူများ သွားလာခြင်းမပြုလုပ်ကြပါရန် သတိပေးထားသည်။
ထို့အပြင် ဒီးမော့ဆိုမြို့နယ်မှတစ်ဆင့် ဖရူဆိုမြို့နယ်သို့ စစ်အင်အား ဖြည့်တင်းထောက်ပံ့ရန် အကြမ်းဖက်စစ်ကောင်စီကကြိုးစားနေသည်ဟုလည်း KNDFက အသိ ပေးသည်။
People's Spring
Reviewed by THITHTOOLWIN
on
19:02
Rating:
No comments:
Post a Comment