စစ်ကောင်စီ၏ ထောက်တိုင်၊ သတင်းပေးတစ်ဦးဖြစ်သောပုလောမြို့နယ် ပြည်ခိုင်ဖြိုးပါတီ ဥက္ကဋ္ဌကို သုတ်သင်လိုက်ကြောင်း ပုလောဒေသ ကာကွယ်ရေးတပ်ဖွဲ့က သတင်းထုတ်ပြန်သည်။
စစ်ကောင်စီနှင့် ပေါင်းသင်းနေ၍ မြို့ခံများက အမြင်မကြည်သည့် ပုလောမြို့နယ် ပြည်ခိုင်ဖြိုးပါတီ ဥက္ကဋ္ဌ ဦးအောင်နေဇာလင်းသည် ဧပြီ၁၄ရက် ညနေတွင် အမျ်ိုးသားနှစ်ဦးက သေနတ်ဖြင့် ပစ်သတ်သွားခြင်းဖြစ်သည်။
"စစ်အုပ်ချုပ်ရေးယန္တရား၏ ထောက်တိုင်ဖြစ်သော လောက်ကောင်၊ဒလန်ကောင်၊ ပြည်သူ့သစ္စာဖောက်ကောင်အား ကျွန်ုပ်တို့ PRDF အဖွဲ့က ယမန်နေ့(ဧပြီ ၁၄ရက်)ညနေ သုံးနာရီခန့်တွင် သေနတ်ဖြင့် သုတ်သင်ရှင်းလင်းခဲ့သည်ဟု ပုလောဒေသ ကာကွယ်ရေးတပ်ဖွဲ့ PRDFက သတင်းထုတ်ပြန်သည်။
"ဘီယာဆိုင်ကအထွက်မှာ နားထင်ကိုတည်ပစ်သွားတာ။ သေနတ်ပစ်တဲ့စကေးကတော့ ရှယ်ပဲ"ဟု ပုလောမြို့ခံတစ်ဦးက ပြောသည်။
ဦးအောင်နေဇာလင်းအား ရှင်းလင်းခဲ့သည့် Mission တွင် ပါဝင်သူအားလုံး လွတ်မြောက်နယ်မြေသို့ရောက်ရှိပြီဟုလည်း PRDF က ယနေ့(ဧပြီ ၁၅ရက်) ထုတ်ပြန်ထားသည်။ ပစ်ခတ်ရှင်းလင်းပြီးပြီးချင်း သတင်းမထုတ်ပြန်ဘဲ ပြည်သူ့ကာကွယ်ရေးရဲဘော်များ လုံခြံသည့်နေရာရောက်မှသာ PRDF က သတင်းထုတ်ပြန်ခြင်းဖြစ်သည်။
People's Spring
Reviewed by THITHTOOLWIN
on
21:36
Rating:
No comments:
Post a Comment