ပြင်ဦးလွင် စစ်တက္ကသိုလ်ဂိတ်ပေါက်ကို လက်ပစ်ဗုံးနဲ့ ထု

ဓာတ်ပုံ၊ PDF POL 

ဧပြီ - ၁  

စစ်ကောင်စီ ဗိုလ်လောင်းများ မွေးထုတ်ပေးနေသည့် မန္တလေးတိုင်း ပြင်ဦးလွင်မြို့လယ်ရှိ စစ်တက္ကသိုလ် စာပေ (၂) ဂိတ်ပေါက်ကို ယနေ့ ညပိုင်း၌ လက်ပစ်ဗုံးဖြင့် အထုခံရကြောင်း သတင်းရရှိသည်။ 

ဧပြီလ (၁)ရက် ည (၇း၂၀)နာရီခန့်၌ အောင်မြင်စွာ ဖောက်ခွဲနိုင်ခဲ့ပြီး PDF POL နှင့် MMUGR တို့ ပူးပေါင်းလုပ်ဆောင်ခဲ့ခြင်းဖြစ်သည်ဟု ဆိုသည်။ 

အဆိုပါ တိုက်ခိုက်မှုကြောင့် ထိခိုက်သေဆုံးမှု အခြေအနေကို မသိရသေးပါ။ 

ပြီးခဲ့သည့်နှစ် ဇူလိုင်လ (၁၉)ရက်ကလည်း တပ်မတော်နည်းပညာတက္ကသိုလ် (DSTA) ဝင်ပေါက်ဂိတ် အမှတ်(၃)ကို ဗုံးထုခံရပြီး ဂိတ်စောင့် သုံးဦး ထိခိုက်ဒဏ်ရာရရှိခဲ့သေးသည်။

Mandalay Free Press - MFP