မြိုင်မြို့နယ်ရှိ အကြမ်းဖက်စစ်တပ်နှင့် ပျူစောထီးစခန်းအား ဒေသတွင်းတပ်ဖွဲ့များက လက်နက်ကြီးဖြင့် ပစ်ခတ်တိုက်ခိုက်

(မြိုင်မြို့နယ်ကျေးရွာများတော်လှန်ရေးတပ်ဦးမှ ရဲဘော်များအား တွေ့ရစဥ်)

မကွေးတိုင်း၊ မြိုင်မြို့နယ်ရှိ အကြမ်းဖက်စစ်တပ်နှင့် ပျူစောထီးစခန်းအား လက်နက်ကြီးဖြင့် ပစ်ခတ်တိုက်ခိုက်ခဲ့ကြောင်း မြိုင်မြို့နယ်ကျေးရွာများတော်လှန်ရေးတပ်ဦး Myaing Villages Revolution Front(MVRF)က သတင်းထုတ်ပြန်သည်။

ယမန်နေ့ (ဧပြီ ၂၆ ရက်) ည ၁၀နာရီ ၅၀မိနစ်ခန့်က မြိုင်မြို့နယ်၊ကန်နီကျေးရွာရှိ အကြမ်းဖက်စစ်တပ်နှင့် ပျူစောထီးများစခန်းချထားသောနေရာသို့ ပြည်သူ့ကာကွယ်ရေးတပ်များက လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း၊ ပြည်သူ့ကာကွယ်ရေးတပ်များ အားလုံး 

ဘေးကင်းခဲ့ပြီး အကြမ်းဖက်စစ်တပ်နှင့် ပျူစောထီးများ သေဆုံးမှုမသိရသေးကြောင်း Myaing Villages Revolution Front (MVRF)က အသိပေးသည်။

အဆိုပါတိုက်ခိုက်မှုတွင် MVRF ၊ PRR ၊ PPDG အဖွဲ့များက ပါဝင်တိုက်ခိုက်ခဲ့သည်ဟု ၎င်းအဖွဲ့များက ပြောသည်။

အဆိုပါထုတ်ပြန်ချက်နှင့်ပတ်သက်၍ MVRFသို့ ဆက်သွယ်မေးမြန်းထားပြီး ပြန်လည်ဖြေကြယးခြင်းမရှိသေးပါ။

ဧပြီ ၁၉ ရက်က မြိုင်မြို့နယ် တဲကြီးရွာအနီးတွင် အကြမ်းဖက်စစ်ကောင်စီတပ်နှင့် မြိုင်မြို့နယ်ပြည်သူ့ကာကွယ်ရေးတပ်ဖွဲ့၏ တပ်ခွဲ-၁တို့ ထိတွေ့မှုဖြစ်ပွားရာ အကြမ်းဖက်စစ်တပ်ဘက်မှ တစ်ဦးသေဆုံးပြီး တပ်ခွဲ-၁ မှ ရဲဘော် ငါးဦး၊ ဒေသတွင်း  PDF ရဲဘော် နှစ်ဦးကျဆုံးခဲ့သည်။ ထို့အပြင် စစ်ကောင်စီတပ်က ရွာအတွင်းသို့ ပစ်ခတ်ရာ အပြစ်မဲ့ပြည်သူ သုံးဦးသေဆုံးပြီး ခြောက်ဦးဒဏ်ရာ ရရှိခဲ့သည်။

People's Spring