ချောင်းဦး၊ ဧပြီ (၁၉)
စစ်ကိုင်းတိုင်း၊ ချောင်းဦးမြို့နယ် မုံရွာ - စစ်ကိုင်းလမ်းပိုင်းပေါ် ယနေ့ မနက်ပိုင်းဖြတ်သန်းလာသည့် အကြမ်းဖက်စစ်ကောင်စီကားကို မြောင် တော်လှန်ရေး အဖွဲ့ (၂) ဖွဲ့မှ မိုင်းဆွဲတိုက်ခိုက်ခဲ့ကြောင်း မြောင်မြို့နယ် TGR ပြည်သူ့ကာကွယ်ရေးတပ်မှ သိရသည်။
"ကားနှစ်စီးအင်အား (၆၀) လောက်ရှိမယ်။ အချိန်ကတော့ ၇ နာရီ မိနစ်၂၀ လောက်မှာပါ။ မိုင်းထောင်ထားတာကတော့ (၂၀) လောက်ရှိမယ်။ အကုန်မဆွဲလိုက်ရဘူး (၅) လုံး (၆) လုံးလောက်ရှိမယ်။ စခတွေလူနာတင်ယာဥ် (၂) စင်းနဲ့ တင်သွားတာ တွေ့ရတယ်။"ဟု မြောင်မြို့နယ် TGR ပြည်သူ့ကာကွယ်ရေးတပ်ဖွဲ့မှ သင်တန်းမှူး ကိုဘကောင်းက လူငယ့်ခေတ်သို့ ပြောသည်။
ထိုတိုက်ခိုက်မှုကို မြောင်မြို့နယ် TGR ပြည်သူ့ကာကွယ်ရေးတပ်နှင့် မြောင်မြို့နယ် ဗိုလ်နေတိုး အဖွဲ့တို့ ပူးပေါင်းလုပ်ဆောင်ခဲ့ခြင်းဖြစ်ကြောင်း သိရသည်။
"အသေအပျောက်ကိုတော့စုံစမ်းနေတယ် ထိတာတော့ သေချာတယ်။ လူနာတင်ကားတွေပေါ်တင်သွားတာ သူတို့ဖက်ကလည်းပြန်ပစ်တယ်။" ဟု ကိုဘကောင်းက ပြောသည်။
အဆိုပါတိုက်ခိုက်မှု၌ တော်လှန်ရေးရဲဘော်များဘက်က အထိအခိုက်မရှိ ဆုတ်ခွာနိုင်ခဲ့ကြောင်း သိရသည်။
Lu Nge Khit
Reviewed by THITHTOOLWIN
on
22:37
Rating:
No comments:
Post a Comment