ဂန့်ဂေါ၊ ဧပြီ ၂၇
မကွေးတိုင်း၊ ဂန့်ဂေါမြို့၊ စည်ပင်ရပ်ကွက် ဘုရားသုံးဆူကုန်းဆင်းအနီးတွင် ကင်းပုန်းဝပ်နေသည့် အကြမ်းဖက်စစ် ကောင်စီတပ်သားများကို ဧပြီလ ၂၆ ရက်၊ ည ၉ နာရီအချိန်က ယောဒေသကာကွယ်ရေးတပ်ဖွဲ့ဝင်များက အလစ်ဝင်တိုက်ခဲ့သဖြင့် အကြမ်းဖက်စစ် ကောင်စီတပ်သား နှစ်ဦးသေဆုံးကာ တစ်ဦးဒဏ်ရာရရှိသွားကြောင်း YDF က တာဝန်ရှိသူတစ်ဦးကပြောသည်။
"မြို့ထဲကိုဝင်လာမယ့်လမ်းတွေမှာ သူတို့ကကင်းပုန်းချထားတာ။ အဲ့ဒါကို ဆီးပြီး ဆော်လိုက်တာ။ သေတာကတော့စစ်သားသေတာ။ ရဲမဟုတ်ဘူး”ဟု ၎င်းက ဆိုသည်။
အဆိုပါတိုက်ခိုက်မှုကို ယောဒေသကာကွယ်ရေးတပ်ဖွဲ့ တပ်ရင်း ၅၊ တပ်ဖွဲ ၄ ကစစ် သည်များတိုက်ခိုက်ခဲ့ခြင်းဖြစ်ပြီး ၈ မိနစ်ကြာအပြန်အလှန်ပစ်ခတ်ခဲ့ပြီးနောက် တပ်ဖွဲ့ဝင် များအထိအခိုက်မရှိပြန်လည်ဆုတ်ခွာနိုင်ခဲ့ကြောင်း YDF က ယနေ့မွန်းလွဲပိုင်းတွင် သတင်းထုတ်ပြန်ထားသည်။
ပြီးခဲ့သည့် ဧပြီလ ၂၅ ရက်၊ နံနက်ပိုင်းကလည်း ဂန့်ဂေါဘက်မှ ထီးလင်းဘက်သို့စစ်ကြောင်းထိုးလာသည့် အကြမ်းဖက်စစ် ကောင်စီတပ်မ ၁၁ စစ်ကြောင်းကို ယောဒေသကာကွယ် ရေးတပ်ရှိ လက်ရွေးစင်တပ်သားများက စောင့် ကြိုတိုက်ခိုက်ခဲ့သဖြင့် စစ်ကောင်စီလက်ပါးစေများအကျအဆုံးများနိုင်ကာ တစ်ဦးကိုအရှင်ဖမ်းမိခဲ့ကြောင်း သိရသည်။
Lu Nge Khit
Reviewed by THITHTOOLWIN
on
23:05
Rating:
No comments:
Post a Comment