စစ်ကိုင်းမှ မုံရွာသို့ ထွက်လာသော စစ်ယာဥ်တန်းများ ပဒေသာမိုင်းထိ၊ အနည်းဆုံး ၂၀ ဦးခန့် သေဆုံး၊ ကားတစ်စီး လုံးဝပျက်စီး

ဧပြီ ၂၇၊ ၂၀၂၂။

စစ်​ကိုင်းမှထွက်လာ​သောစစ်​ကောက်စီယာဥ်တန်း နှစ်​နေရာတွင်မိုင်းဆွဲတိုက်ခိုက်ခံရ

စစ်ကိုင်းတိုင်း၊ စစ်ကိုင်းမြို့မှ ထွက်ခွာသွားသော အကြမ်းဖက်စစ်ကောင်စီ၏ ကားအစီး​ရေ တစ်ရာ​ကျော်ပါဝင်သည့်ယာဥ်တန်းသည် စစ်ကိုင်းမြို့နယ်နှင့် မြင်းမူမြို့နယ်တို့တွင် စတင်တိုက်ခိုက်ခံရပြီး ကားတစ်စီးပျက်စီးသွားကြောင်း ဒေသတွင်းသတင်းရင်းမြစ်များကပြောသည်။

ယနေ့ (ဧပြီလ ၂၇ ရက်နေ့) နံနက်ပိုင်းက တပ်ကားအကြီး၊ အသေး၊ အချုပ်ကား စသဖြင့် မိုးကာအလုံပိတ်ထားသော စုစုပေါင်းတပ်ကားအစီးရေ ၁၃၇စီးခန့်သည် မုံရွာ-မန္တလေးလမ်းအတိုင်း မုံရွာနယ်ဘက်သို့ ဦးတည်ထွက်ခွာလာရာ  စစ်ကိုင်းမြို့နယ်၊ ပျော့ရွာအနီးတွင်တစ်ကြိမ် ပထမဆုံး မိုင်းဆွဲတိုက်ခိုက်ခံရပြီး ထိခိုက်ပျက်စီးမှုအခြေအနေ မသိရသေးကြောင်း ဒေသခံများက ​ပြောသည်။ 

အဆိုပါယာဥ်တန်းသည် နံနက် ၁၁နာရီ ၄၅မိနစ် ခန့်တွင်  စစ်ကိုင်းတိုင်း၊ မြင်းမူမြို့နယ်၊ ဝမ်းပြည့်ရွာနှင့် အလ္လကပ္ပရွာကြားသို့ ရောက်ရှိလာခဲ့သည်။

ထိုနေရာတွင် အကြမ်းဖက်စစ်ကောင်စီ၏ စစ်ကား ၁၃၆ စီးအနက် ငါးစီးအား အာဏာရှင်စနစ်တိုက်ဖျက်ရေး ပြည်သူ့ကာကွယ်ရေးတပ်ဖွဲ့(PAFD)/တပ်ခွဲ DK PDF(PAFD)/မြောင်(CDSOM)နှင့် Sagaing Underground Force(SUGF) စသည့် ညီနောင်မဟာမိတ်လေးဖွဲ့က ပဒေသာမိုင်းများဖြင့် ဖောက်ခွဲတိုက်ခိုက်ခဲ့ရာ လေးစီးထိမှန်ကာ စစ်ကားတစ်စီးပျက်စီးသွားကြောင်းထုတ်ပြန်သည်။ ​ထိုတိုက်တိုက်မှု​ကြောင့် စစ်​ကောင်စီတပ်သေဆုံးထိခိုက်မှုအခြေအနေ စုံစမ်းနေဆဲဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ဆုတ်ခွာနိုင်ခဲ့ကြောင်း အာဏာရှင်

စနစ်တိုက်ဖျက်ရေး ပြည်သူ့ကာကွယ်ရေးတပ်ဖွဲ့(PAFD)က ရုပ်သံဖိုင်နှင့်တကွသတင်းထုတ်ပြန်သည်။

အကြမ်းဖက်စစ်ကောင်စီယာဥ်တန်းသည် မည်သည့်နေရာသို့ ဦးတည်ထွက်ခွာနေသည်ကို မသိရှိရသေးဘဲ ၎င်းယာဥ်တန်းဖြတ်သန်းရာလမ်းတစ်လျှောက် မိုင်းဆွဲတိုက်ခိုက်ခံရမှုများ ဆက်လက်ဖြစ်ပေါ်နိုင်ကြောင်း ဒေသခံအချို့က​ပြောသည်။အဆိုပါယာဥ်တန်းတွင် တာလပါတ်အလုံအုပ်ထား​သောကားအများစုပါဝင်၍ စစ်​ကောင်စီတပ်သားများမည်မျှ ပါ၊မပါမသိ့ရ​သော်လည်း ​နောက်​ပေါက်ဖွင့်ထား​​သောကားများတွင် စစ်သားအနည်းစီသာပါဝင်​ကြောင်း​ဒေသခံများက​ပြောသည်။

Zayar Times - ဇေယျာတိုင်း