 |
| ဓာတ်ပုံ- phruso PDF |
( မတ်လ ၃၀ရက်)မှာ ပြည်သူ့ကာကွယ်ရေးပူးပေါင်းတပ်ဖွဲ့တွေကနေပြီး ဖရူဆိုမြို့နယ် ရဲစခန်းအတွင်း တပ်စွဲထားတဲ့ စစ်ကောင်စီတပ်ကို တိုက်ခိုက်ခဲ့ပြီး စစ်ကောင်စီဘက်က အရာရှိတစ်ဦးအပါအဝင် ၈ဦးသေဆုံးခဲ့တယ်လို့ ဖရူဆိုPDFက ဒီကနေ့မှာ သတင်းထုတ်ပြန်ပါတယ်။
မွန်းလွဲ ၂နာရီ ၂၀မိနစ်မှာ သွားရောက်တိုက်ခိုက်ခဲ့တာဖြစ်ပြီး တိုက်ပွဲ ၁နာရီကျော်ကြာခဲ့တယ်လို့ ဖော်ပြထားပါတယ်။ အဲ့ဒီတိုက်ပွဲမှာ ပြည်သူ့ကာကွယ်ရေး ပူးပေါင်းတပ်ဖွဲ့တွေဖက် ထိခိုက်ဒဏ်ရာမရဘဲ ပြန်လည်ဆုတ်ခွာနိုင်ခဲ့တယ်လို့ သိရပါတယ်။
တိုက်ခိုက်မှုမှာ ဖရူဆိုPDF၊ KNDF B-04၊ DMO PDF တပ်ရင်း(A,B,D,G)၊ အလယ်ပိုင်းတိုင်း ၁၁၀၁နဲ့ နည်းပညာ လက်ရုံးတပ် CTU စတဲ့ မဟာမိတ် တပ်ဖွဲ့တို့ ပူးပေါင်းတိုက်ခိုက် ခဲ့တာဖြစ်တယ်လို့ ဖရူဆိုPDFက ထုတ်ပြန်ထားပါတယ်။
ပြီးခဲ့တဲ့မတ်လ ၂၆ ၊ ၂၇ ရက်နေ့မှာ ဖရူဆိုအခြေစိုက် ခမရ ၄၂၈ တပ်ရင်းကို KA၊ KNDF B-04၊ KNDF B-08 တို့က ပူးပေါင်း တိုက်ခိုက်ခဲ့ပါတယ်။ မတ်လ ၁၈ရက်နေ့မှာလည်း ဖရူဆိုမြို့မ ရဲစခန်းနဲ့ ခမရ ၅၃၁တပ်ကို ဝင်ရောက်တိုက်ခိုက်ခဲ့ပြီး စစ်ကောင်စီတပ်သား ၄ဦး သေဆုံး ခဲ့ပါတယ်။
Kantarawaddy Times
Reviewed by THITHTOOLWIN
on
17:47
Rating:
No comments:
Post a Comment