 |
| (သာကေတ(၇)ဈေး မီးလောင်မှုဖြစ်ပြီးနောက် တွေ့ရစဥ်၊ ဓာတ်ပုံ - ဇွဲရန်နိုင်) |
သာကေတမြို့နယ်တွင် ယနေ့ပြုလုပ်ခဲ့သည့် စစ်ဆင်ရေး၌ စစ်ကောင်စီတပ်ဖွဲ့ ဝင်လေးဦး ဒဏ်ရာရရှိခဲ့ပြီး နှစ်ဦးသေဆုံးနိုင်ကြောင်း Wolf Warriors STF(WWSTF)က ထုတ်ပြန်သည်။
WWSTF အဖွဲ့အနေဖြင့် ဖေဖော်ဝါရီ ၁၉ နေ့လယ် ၁၂ နာရီခန့်တွင် ကင်းလှည့်နေသည့်စစ်ကောင်စီတပ်သားများ၏ ကားကို ဗုံးဖြင့်တိုက်ခိုက်ခဲ့ပြီး တစ်ချိန်တည်းတွင် စစ်ကောင်စီတပ်စွဲထားသည့် သာကေတဘောလုံးကွင်းကို ဗုံးဖြင့်တိုက်ခိုက်ခဲ့သည်။
"စစ်ကောင်စီဘက်မှ လေးဦး ထိမှန်ဒဏ်ရာရ၍ နှစ်ဦး သေဆုံးဖွယ်ရှိသည်ဟု တပ်အရင်းအမြစ်မှ ကနဦး သတင်းရရှိသည်"ဟု WWSTF အဖွဲ့က ထုတ်ပြန်ထားသည်။
အဆိုပါလုပ်ဆောင်ချက်သည် တောင်ပိုင်းတိုင်းစစ်ကွပ်ကဲရေးအဖွဲ့ ပျံလွှားအောင်စစ်ဆင်ရေး၏တစ်စိတ်တစ်ပိုင်း ဖြစ်ပြီး ၎င်းတို့အဖွဲ့အနေဖြင့် ဖက်ဆစ်စစ်တပ်အား ထောက်တိုင်သဖွယ်အထောက်အကူပြုနေကြသော ဒလံ၊ ဖက်ဆစ်မိတ်ဖက် စီးပွားရေးလုပ်ငန်းရှင်များ၊ စခ၊ရခ များကို ပြည်သူ့ရင်ခွင်မခိုလှုံမပူးပေါင်းသေးသည့် ကာလပတ်လုံး တစ်တိုင်း တစ်ပြည်လုံးရှိ မဟာမိတ်တပ်ဖွဲ့များနှင့် ပူးပေါင်း၍ တရားသောစစ် ဆက်လက်ဆင်နွှဲနေ မည်ဖြစ်ကြောင်း အသိပေးကြေညာလိုက်သည်ဟု ထပ်မံဖော်ပြထားသည်။
ထို့ပြင် သာကေတ(၇)ဈေးမီးလောင်မှုမှာ ၎င်းတို့၏စစ်ဆင်ရေးနှင့် သက်ဆိုင်မှုမရှိကြောင်း နှင့် ပြည်သူပိုင် ပစ္စည်းများ ဆုံးရှုံးရသည့်အပေါ် စိတ်မကောင်းကြောင်း WWSTF အဖွဲ့က ဆိုသည်။
သာကေတ(၇)ဈေးကို အကြမ်းဖက်စစ်ကောင်စီတပ်ဖွဲ့ဝင်များက မီးရှို့ခဲ့ခြင်းဖြစ်သည်ဟု ဒေသခံများက ပြောကြားထားသည်။
People's Spring
Reviewed by THITHTOOLWIN
on
23:45
Rating:
No comments:
Post a Comment