ပူတာအိုတိုက်ပွဲ ငါးကြိမ်အတွင်း စစ်ကောင်စီတပ်မှ ၇၀ ခန့်သေဆုံးနိုင်ဟု PDF ခန့်မှန်း

ပူတာအို PDF မှတစ်​ယောက်မျှထိခိုက်ကျဆုံးခဲ့ခြင်းမရှိ

ပူတာအို ပြည်သူ့ကာကွယ်ရေးတပ်(PDF) အနေဖြင့် စစ်ကောင်စီတပ်နှင့် တိုက်ပွဲ ၅ကြိမ်ဖြစ်ခဲ့ပြီး အကြမ်းဖက်စစ်ကောင်စီတပ်ဖွဲ့ဝင် ၇၀ဦးခန့်သေဆုံးနိုင်သည်ဟု ခန့်မှန်းရကြောင်း ပူတာအို PDF စည်းရုံးရေးမှူး ကိုအယုံက ပြောကြားသည်။

ကချင်ပြည်နယ်အ​ခြေစိုက်သတင်းဌာန The  74 Media က ကိုအယုံ အား မေးမြန်းထားသည့် အင်အာဗျူး၌ အထက်ပါအတိုင်း ဖြေကြားထားခြင်းဖြစ်သည်။

“ကျွန်တော်တို့ PDF ကလေးတွေက တိုက်ပွဲ ၅ကြိမ်တောင်မှ ထိခိုက်ဒဏ်ရာရတဲ့သူမရှိခဲ့ပါဘူ”ဟု ၎င်းကဆက်​ပြောသည်။

ပူတာအို PDFတွင် ဒေသခံများ ၍ နယ်မြေကျွမ်းကျင်မှုဘက်၌ အားသာကြောင်း၊ အကြမ်းဖက်စစ်ကောင်စီအနေဖြင့် ပြည်သူကိုသာ ခြိမ်းခြောက်နိုင်ပြီး လက်နက် ကိုင်အဖွဲ့အချင်းချင်း ဖြစ်ပါက လေယာဉ်ကိုသာအားကိုးနေသည်ဟု ကိုအယုံက ရှင်းပြသည်။

ပူတာအို PDF အနေဖြင့် စနစ်ဆိုး တစ်ခုကို တိုက်ခိုက်နေခြင်းဖြစ်ကြောင်း၊ရဝမ်လူမျိုးများ KIAနှင့် အတူ လက်တွဲ ပါဝင်လာခြင်းမှာ စနစ်ဆိုးတစ်ခုကို တွန်းလှန်ရမည်ဆိုသည့် မိမိ၏ အသိစိတ်အရ ဖြစ်ကြောင်း ကိုအယုံက ပြောသည်။

ခေါင်လန်ဖူးဌာနေ ပြည်သူ့စစ်၌ တာဝန်ထမ်းဆောင်နေသူများ အနေဖြင့်လည်း ပြည်သူကို ကြည့်ပြီး ပြည်သူလိုလားမှုကို အလေးထားစေချင်ကြောင်း ၎င်းက တိုက်တွန်းသည်။

တိုက်ပွဲဝင်နေသည့် တစ်နိုင်ငံလုံးရှိ တော်လှန်ရေးသမားများကို အားပေးစကား ဘာပြောချင်လဲဟု The 74 မီဒီယာက မေးမြန်းရာ ကိုအယုံက အခက်အခဲအမျိုးမျိုးရှိနိုင်သော်လည်း ယုံကြည်ရာကိုဆွဲကိုင်ပြီးမှစိတ်ရှည်ရန် မှာချင်သည်ဟု ပြောသည်။

စစ်ကောင်စီခေါင်းဆောင် မင်းအောင်လှိုင်ကို ဘာပြောချင်လဲဟု မေးမြန်းရာ ကိုအယုံက “မင်းအောင်လှိုင်ကိုကကြတော့ ကျွန်တော်တို့က မြန်မြန်သေစေချင်တယ်” ဟု ပြောသည်။

PDF အဖွဲ့အစည်း အောင်မြင်ရန်  ပြည်သူများ တသားတည်းရှိရန်၊ စည်းရုံးရန်လိုကြောင်း ပူတာအို PDF စည်းရုံးရေးမှူး ကိုအယုံက ပြောသည်။

ပူတာအို PDFအနေဖြင့် ကချင်လွတ်လပ်ရေးတပ်မတော် (KIA)နှင့် ပူးပေါင်းပြီး ပူတာအိုမြို့နယ် အတွင်းရှိ စစ်ကောင်စီတပ်စခန်းနှင့် စစ်ကောင်စီစစ်ကြောင်း အချို့ကို ခုခံတိုက်ခိုက်မှုများ ပိုမိုပြုလုပ်လာသည်။

People's Spring