စစ်ကောင်စီက PDF အင်အား ကောင်းသည့်ဒေသများရှိ နယ်မြေရဲစခန်းများနှင့် ရဲကင်းစခန်းများပတ်လည်တွင် မိုင်းများထောင်ရန်ညွှန်ကြား

ဖေဖော်ဝါရီ ၁၀ ရက်

စစ်ကောင်စီက စစ်ကိုင်းတိုင်းအပါအဝင် PDF အင်အား ကောင်းသည့်ဒေသများတွင် ၄င်းတို့လက်အောက်ခံ ရဲ ကင်းစခန်းများနှင့် နယ်မြေရဲစခန်းများ ၏ ပတ်လည်တွင် မိုင်းထောင်ရန်  ညွှန်ကြားထားကြောင်း ရဲတပ်ဖွဲ့အသိုင်း အဝိုင်းထံက ပေါက်ကြားလာသည့် ရဲကြေးနန်းစာအရ သိရသည်။

စစ်ကိုင်းတိုင်းအပါအဝင် PDFအင်အားကောင်းသည့်နေ ရာဒေသများတွင် စစ်ကောင်စီလက်အောက်ခံ ရဲစခန်းနှင့်နယ်မြေရဲစခန်းများမကြာခဏဝင်ရောက်စီးနင်းခံရမှုများ များပြားလာသဖြင့် ယခုကဲ့သို့ မိုင်းများထောင်ရန်ညွှန်ကြားလာခြင်းဖြစ်ကြောင်း နေပြည်တော်ရဲတပ်ဖွဲ့ဌာန ချုပ်တပ်ဖွဲ့ဝင်တဦးက ဧရာဝတီတိုင်းမ်ကိုပြောသည်။

အဆိုပါကြေးနန်းစာအရ ရဲကင်းစခန်းနှင့်နယ်မြေရဲစခန်းများ၏ပတ်လည်တွင် ရှေ့ထွက်မိုင်းနှင့် စွန့်လွှတ်မိုင်းများ ထောင်ထားရန်ညွှန်ကြားထားပြီး မိုင်းလိုအပ်ချက်စာရင်းကို ယနေ့ ရက်စွဲဖြင့်ပြန်လည်တင်ပြရန်ဟုပါရှိကြောင်း သိရသည်။

'' ရှေ့ထွက်မိုင်းဆိုတာက ကြီးကြပ်မိုင်းပုံစံမျိုးဘဲ စခန်းနားရောက်လာမှစောင့်ပြီး ခွဲတာမျိုးပေါ့။ စွန့်လွှတ်မိုင်းဆိုတာက ခု စစ်ဆင်ရေးနယ်မြေမှာရှိတဲ့ တပ်ရင်းတွေရဲ့ပတ် လည်မှာထောင်တဲ့မိုင်းမျိုးပါဘဲ နင်းမိုင်း၊တိုက်မိုင်းကိုဆို လိုတာ မိုင်းကွင်းတွေပေါ့။ နင်းမိရင်ကွဲမှာ။  တလုံးနင်းမိတာနဲ့အတွဲလိုက် လိုက်ကွဲတာမျိုးလည်းရှိတယ်'' ဟု စစ်ကောင်စီ၏ စစ်မြေပြင်အင်ဂျင်နီယာတပ်က တပ်မတော်သားဟောင်းတဦးက ဧရာဝတီတိုင်းမ်ကိုပြောသည်။

ထို့ပြင် မိုင်းထောင်မည့်ကိစ္စနှင့်ပတ်သက်၍ လိုအပ်ချက်များကို နယ်မြေထိန်းစစ်ကောင်စီ တပ်ရင်းများနှင့်လှုပ် ရှားစစ်ကြောင်းများကသွားရောက်ကြီးကြပ်ပေးရန်ညွှန်ကြားထားကြောင်း သိရသည်။

Ayeyarwaddy Times