ပုလဲ၊ ဖေဖော်ဝါရီ ၅၊ ၂၀၂၂။
မကွေးတိုင်း၊ ပခုက္ကူမြို့ကို ခရီသွားတဲ့ ဇနီးကိုသွားကြိုတဲ့ ရဲတပ်သားတဦးကို မနေ့က စစ်ကိုင်းတိုင်း ပုလဲမြို့နယ်ထဲမှာ ပုလဲဂျိုကာ PDF က ဖမ်းဆီးထားတယ်လို့ သိရပါတယ်။
"သူက ဒီဘက်ကိုသူရဲ့အမျိုးသမီးကို လာကြိုတာလို့ပြောတယ်ခင်ဗျ။ ကျနော်တို့ စစ်ဆေးရင်းနဲ့တွေ့လို့ ဖမ်းတာဗျ၊ သူက ရန်ကုန်ကနေပြီးတော့ နေပြည်တော်ကို အပြောင်းကျတယ်လို့ ပြောတယ်ခင်ဗျ။ ပခုက္ကူသူ့ဇာတိကို ပြန်တာလို့ပြောတယ်ခင်ဗျ။ အဲဒီကနေပြီးတော့ နေပြည်တော်ကိုသတင်းမပို့ရသေးဘူးလို့ပြောတယ်။ သူ့အမျိုးသမီးက ဒီဘက်ကို ခရီးသွားတာ အပြန်လာကြိုတာလို့ပြောတယ်ခင်ဗျ" လို့ ပုလဲဂျိုကာ PDF တာဝန်ခံ ဗိုလ်ပုလဲက ပြောပါတယ်။
လက်ရှိအချိန်အထိ ရဲတပ်သား မျိုးသီဟထွန်းကို ထိန်းသိမ်းထားပြီး NUG ရဲ့ လမ်းစဉ်အတိုင်း လွှဲပြောင်းပေးသွားဖို့ စီစဉ်နေတယ်လို့ ပြောပါတယ်။
"သူ့ဆန္ဒကတော့ ကျနော်တို့လက်ထဲရောက်ပြီးမှ CDM ပဲလုပ်တော့မယ်လို့ ပြောတယ်ခင်ဗျ။ ကျနော်တို့က ဖမ်းလိုက်တာက သူ CDM မဟုတ်ပဲနဲ့ ဒီအတိုင်းဖမ်းလိုက်တာ၊ ကျနော်တို့က သုံ့ပန်းအနေအဖြစ် လောလောဆယ် ထားတာပါခင်ဗျ" လို့ ဗိုလ်ပုလဲက ပြောပါတယ်။
အစိုးရဝန်ထမ်းတွေ စစ်ကောင်စီဒေါက်တိုင်ဖြစ်နေတဲ့ ဝန်ထမ်းတွေဖြစ်နေတဲ့ သူတွေကို ပြည်သူနဲ့တသားတည်းပူးပေါင်းဖို့ တိုက်တွန်းလိုတယ်လို့ ဗိုလ်ပုလဲက ပြောပါတယ်။
မြေလတ်အသံ - Myaelatt Athan
Reviewed by THITHTOOLWIN
on
19:21
Rating:
No comments:
Post a Comment