ပြည်သူ့နေအိမ်များနှင့် ပြည်သူတစ်ဦးအား သတ်ဖြတ်ဖျက်ဆီးခဲ့သည့် ပျူစောထီးအဖွဲ့ကို ပေါက် PDF စီးနင်းရာ နှစ်ဦးသေ၊ တစ်ဦးဒဏ်ရာရ

ပြည်သူ့နေအိမ်များနှင့် ပြည်သူတစ်ဦးအား သတ်ဖြတ်ဖျက်ဆီးခဲ့သည့် ပေါက်မြို့နယ် ကုက္ကိုစု ကျေးရွာမှ ပျူစောထီးအဖွဲ့ကို ဝင်ရောက်စီးနင်းရာ နှစ်ဦးသေဆုံးပြီး တစ်ဦးဒဏ်ရာပြင်းထန်စွာရရှိခဲ့သည်ဟု ပေါက် PDFတပ်ရင်း(၄)မှ ထုတ်ပြန်သည်။

ဖြစ်စဥ်မှာ ယနေ့(ဖေဖော်ဝါရီ ၁၆ ရက်) နံနက် ၆ နာရီ ၁၅မိနစ်ခန့်တွင် ပျူစောထီးဒုခေါင်း ဆောင် အောင်ဆန်းနှင့် ဦးတိုးအိမ်ကို ဝင်ရောက်စီးနင်းခဲ့သည်ဟု ဆိုသည်။

ပျူစောထီး နှစ်ဦးသေဆုံးခဲ့သည့်အပြင်  G3 ကျည်တစ်ထောင့်ထိုး လက်နက်ငယ်(၃)လက်နှင့်ကျည်အနည်းငယ်၊ Keypad phone- နှစ်လုံး Smart phone-နှစ်လုံး နှင့် ၎င်းတို့၏အချက် အလက်များ သိမ်းဆည်းရရှိခဲ့သည်ဟု ပေါက် PDFတပ်ရင်း(၄)က အသိပေးသည်။

ပျူစောထီး နေအိမ်များကို စီးနင်းရာတွင် ပြည်သူကာကွယ်ရေး မဟာမိတ်တပ်ဖွဲ့များဖြစ်သော Myaing PDF ၊ Pakokku PDF ၊ ပေါက်မြို့နယ် တိမ်လွှာအဖွဲ့ ၊ ASTF ၊ Secret Danger Revolution Force နှင့် Pauk PDFတပ်ရင်း(၄) တို့ပူးပေါင်းဆောင်ရွက်ခဲ့သည်ဟု ထုတ်ပြန်ချက်၌ ဖော်ပြသည်။

ယခု Mission ကို လုပ်ဆောင်နိုင်ရန်အတွက် ဖေဖော်ဝါရီ ၅ ရက်တွင် ကုက္ကိုစုရွာပြည်သူအိမ်များဖျက်ဆီးခဲ့ရာတွင်ပါဝင်ခဲ့သော ကုက္ကိုစုရွာပျူစောထီးဆန်းနိုင်နှင့် နန်းထွန်းကို  Myaing PDF၊ တိမ်လွှာအဖွဲ့နှင့်ASTFတို့ပူပေါင်းပြီး လမ်းခုလပ်တစ်နေရာ၌ အရှင်ဖမ်းစီး၍ သုတ်သင်ရှင်းလင်းခဲ့သည်ကို သတင်းထိန်ချန်ထားခဲ့ရသည်ဟုလည်း ဆိုသည်။

အလာတူ ဖေဖော်ဝါရီ၁၀ ရက်က ကုက္ကိုစုရွာပြည်သူအိမ်များဖျက်ဆီးခဲ့ရာတွင်ပါဝင်ခဲ့သော ဇီးတောရွာပျူစောထီး ဝေထွန်းကိုလည်း  တိမ်လွှာအဖွဲ့နှင့်ASTFတို့ပူးပေါင်းပြီး အရှင်ဖမ်းဆီးကာ သုတ်သင်ရှင်းလင်းခဲ့သည်ကိုလည်း သတင်းထိန်းချန်ခဲ့ရကြောင်း သိရသည်။

ပေါက်မြို့နယ်အတွင်း  ပင်တောင်ရွာ၊ ဒီးတုတ်ကွင်းရွာ၊ ကုက္ကိုစုရွာမှ ပျူစောထီးများအနေဖြင့် စစ်ကောင်စီ၏ ထောက်တိုင်အဖြစ်ဆက်လုပ်နေပြီး ပြည်သူလူထု၏ အသက်အိုးအိမ်စည်းစိမ်ကို ဆက်လက်ထိပါးစော်ကားနေမည်ဆိုပါက ပြည်သူ့ကာကွယ်ရေးမဟာမိတ်တပ်ပေါင်းစုအနေဖြင့် အမြစ်ပြတ်ချေမှုန်းသွားမည်ဟု ပြင်ထန်စွာ သတိပေးသည်။

People's Spring