စစ်ကိုင်း၊ ဖေဖော်ဝါရီ ၁၃
စစ်ကိုင်းတိုင်း ဆားလင်းကြီးမြို့နယ်ရှိ PDF စခန်းကို အကြမ်းဖက်စစ်ကောင်စီတပ်က ဝင်ရောက်မီးရှို့ ဖျက်ဆီးသွားခဲ့ကြောင်း Salingyi Special Task Force- SSTF ကယနေ့ ထုတ်ပြန်သည်။
ဖေဖော်ဝါရီ ၁၁ရက် နေ့လယ်၂နာရီခန့်က အကြမ်းဖက်စစ်ကောင်စီတပ်သားများ စစ်ကြောင်းထိုးလာရာတွင် စခန်းအားတွေ့ရှိသွားခဲ့ပြီး ဝင်ရောက်မီးရှို့ ဖျက်ဆီးသွားခြင်းဖြစ်သည်။
"စခန်းနဲ့ခပ်ဝေးဝေးမှာရှိတဲ့ ပြည်သူများရဲ့ တောတိုက်၂လုံးကိုလည်း စခတွေကမီးရှို့သွားခဲ့ပါတယ်။ တောတိုက်၂လုံးက ပြည်သူတွေရဲ့ကောက်ပဲသီးနှံများနဲ့ ငွေကြေးအချို့လည်း မီးရှို့ဖျက်ဆီးခံလိုက်ရပါတယ်"ဟု SSTFက ပြောသည်။
အကြမ်းဖက်စစ်ကောင်စီတပ်သားများက စခန်းအား ဝင်ရောက်မီးရှို့ဖျက်ဆီးရာတွင် ရဲဘော်များထိခိုက်ကျဆုံးမှုမရှိသော်လည်း ဆိုင်ကယ် ၄ စီး၊ မီးစက်၊ ဒိုင်နမို၊ ဝရိန်ပုံး၊ ကျောက်စက် စသည့်ဖောက်ခွဲရေးပြုလုပ်ရာတွင်အသုံးပြုသောပစ္စည်းများနှင့် ရိက္ခါများပျက်စီးသွားကြောင်း SSTFက ထုတ်ပြန်ထားသည်။
" ခန့်မှန်း ခြေတန်ဖိုး သိန်း၂၃၀ခန့် ပျက်စီးသွားပါသဖြင့် မိမိတို့ တပ်ဖွဲအနေဖြင့် အကူညီလိုအပ်နေပါတယ်ခင်ဗျာ။ မိဘပြည်သူများထံမှတတ်အားသမျှ ထောက်ပံ့မှုကို ကျနော်တို့မှအားနာစွာဖြင့်ပဲ တောင်းခံလိုက်ရပါတယ်ခင်ဗျာ"ဟု SSTFက မေတ္တာရပ်ခံ ထုတ်ပြန်သည်။
Lu Nge Khit
Reviewed by THITHTOOLWIN
on
19:54
Rating:
No comments:
Post a Comment