မြင်းမူတွင်စစ်ကောင်စီတပ်က PDF အယောင်ဆောင်ပြီးနေအိမ်များဖျက်ဆီး၍ ပြည်သူများအလွယ်တကူမယုံဘဲ မသကာ်စရာကြုံလျှင်သတင်းပေးရန်MMU-PDF အသိပေး
စစ်ကိုင်းတိုင်း၊ မြင်းမူမြို့နယ်တွင် အကြမ်းဖက်စစ်ကောင်စီတပ်များက ကျေးရွာတစ်ရွာသို့ဝင်ရောက်စီးနင်းစဥ် PDFဟုပြောဆိုကာ နေအိမ်များအားဖျက်ဆီးပြီး တန်ဖိုးရှိပစ္စည်းများယူဆောင်သွားကြောင်း မြင်းမူမြို့နယ် ပြည်သူ့ကာကွယ်ရေးတပ်ဖွဲ့က အသိပေးသည်။
ဖေဖော်ဝါရီလ ၃ ရက်နေ့က ပျော့ရွာ-မကျီးကန်လမ်းအတိုင်း ဝင်လာသော အကြမ်းဖက်စစ်ကောင်စီတပ်များမှာ အပြစ်မဲ့ပြည်သူများအား ရိုက်နှက်ဖမ်းဆီးခေါ်ဆောင်သွားပြီး မကျီးကန်ရွာအတွင်းရှိ နေအိမ် ၁ဝ လုံးအား မွှေနှောက်ဖျက်ဆီးကာ တန်ဖိုးရှိပစ္စည်းများ ယူဆောင်သွားခဲ့ကြောင်း၊ ဝင်ရောက်စီးနင်းစဥ် အကြမ်းဖက်စစ်ကောင်စီတပ်များမှာ အရပ်ဝတ်များအပြင် အချို့မှာ PDFဝတ်စုံများဝတ်ဆင်ပြီး ၎င်းတို့မှာ PDFဟုဆိုကာ ပြည်သူများအား လမ်းပြအဖြစ်ခေါ်ဆောင်သွားခဲ့ကြောင်း မြင်းမူမြို့နယ် ပြည်သူ့ကာကွယ်ရေးတပ်ဖွဲ့၏ အသိပေးကြေညာချက်တွင် ရေးသားထားသည်။
ပြည်သူများအနေဖြင့် အရပ်ဝတ်နှင့်ဖြစ်စေ၊ ပျောက်ကြားဝတ်စုံ(သို့မဟုတ်) PDFဝတ်စုံ တစ်ခုခုဖြင့်ဖြစ်စေ၊ တစ်စုံတစ်ရာလာရောက်မေးမြန်းစုံစမ်းခဲ့ပါက အလွယ်တကူ ဖြေကြားခြင်းမပြုရန် မေတ္တာရပ်ခံကြောင်း၊ ထိုကဲ့သို့ မသက်ာစရာ ကြုံတွေ့ခဲ့ပါက နီးစပ်ရာအဖွဲ့ဝင်များထံ၊ အဖွဲ့အစည်းခေါင်းဆောင်များထံသို့ ဆက်သွယ်သတင်းပေးကြပါရန် အထူးအသိပေးကြောင်း မြင်းမူမြို့နယ် ပြည်သူ့ကာကွယ်ရေးတပ်ဖွဲ့က ကြေညာသည်။
People's Spring
Reviewed by THITHTOOLWIN
on
04:03
Rating:
No comments:
Post a Comment