ဖေဖော်ဝါ ၈ ရက်
စစ်ကိုင်းတိုင်း၊ ရေဦးမြို့နယ် စစ်ကောင်စီလက် အောက် ခံ အထွေထွေအုပ်ချုပ်ရေးဦးစီးဌာနမှဝန်ထမ်းတွေနဲ့ အခြေခံပညာဆရာမများ ယမန်နေ့ ဖေဖော်ရီလ ၇ ရက်နေ့ကစပြီး အပြိုင်အဆိုင်နုတ်ထွက်စာတင်တာတွေလုပ် ဆောင်နေတယ်လို့ ဒေသခံတွေဆီက သိရပါတယ်။
ယမန်နေ့က ရေဦးမြို့နယ်အတွင်းက စစ်ကောင်စီရဲ့ ထွေအုပ် ရပ်/ကျေးစာရေးနဲ့ဌာနအကြီးတန်းစာရေး ၆ ဦး၊ ပ ညာရေးဌာနမှ မူလတန်းကျောင်းအုပ်အပါအဝင် ဆရာမ ၅ ဦးနှုတ်ထွက်စာတင်ခဲ့တယ်လို့ ဒေသခံတွေကဆိုပါတယ်။
"သူတို့စစ်ကောင်စီလက်အောက်ခံထွေအုပ်နဲ့ပညာရေးဝန် ထမ်းအားလုံး ၁၁ ယောက် မနေ့ကရက်စွဲနဲ့ ထွက်စာတင်တယ်။ ဆက်လက်တာဝန်ထမ်းဆောင်လိုခြင်းမရှိပါသဖြင့်ဆိုပြီးတင်တာ " လို့ ရေဦးမြို့နယ်ဒေသခံတဦးက ဧရာ ဝတီတိုင်းမ်ကို ပြောပါတယ်။
မနေ့ကနှုတ်ထွက်လိုက်တဲ့ စစ်ကောင်စီလက်အောက်ခံဝန်ထမ်းတွေကတော့ ရေဦးမြို့နယ်အထွေထွေအုပ်ချုပ်ရေးဦးစီးဌာနက ရပ်/ကျေးစာရေးတွေဖြစ်တဲ့ လိန်တောကျေးရွာအုပ်စုက ဦးတင်မျိုးဝင်း၊အင်းကြီးကျေးရွာ အုပ် စုမှ ဒေါ်စန္ဒာမြင့်၊ဝသဲကျေးရွာအုပ်စုကဒေါ်ဇင်ဇင်ခိုင်၊ခြုံရွာကျေးရွာအုပ်စု ဒေါ်စန်းသီတာ၊ အင်တောကျေးရွာ အုပ် စုက ဦးနိုင်မျိုး၊မြို့နယ်ထွေအုပ်က အငယ်တန်းစာရေးဒေါ်သီတာမြင့်တို့ဖြစ်တယ်လို့ ဒေသခံတွေကဆိုပါတယ်။
ဒါ့အပြင် စစ်ကောင်စီရဲ့ပညာရေးဌာနကရေဦးမြို့နယ် အ တွင်းက မူလတန်းပြဒေါ်ဝေဝေထွန်း၊အလယ်တန်းပြ ဒေါ်မြတ်သူဇာခိုင်၊ မူလတန်းကျောင်းအုပ် ဒေါ်ခင်ယုလွင်၊ နှောကုန်းရွာ မူလတန်းပြ ဒေါ်ခင်မျိုးလွင်နဲ့ ပုဏ္ဏကားရွာ မူလတန်းကျောင်းက ရုံးအကူ ဒေါ် သန်းသန်းအေး တို့ဖြစ်ပြီးတော့ စစ်ကောင်စီရဲ့ ဌာန ၂ ခုပေါင်း ၁၁ ဦး အသီးသီးနှုတ်ထွက်ခဲ့တယ်လို့ဒေသခံတဦးက ဆိုပါတယ်။
စစ်ကိုင်းတိုင်းအတွင်းက တော်လှန်ရေးအင်အားစုတွေက စစ်ကောင်စီတပ်ဖွဲ့ဝင်တွေအပါအဝင်စစ်ကောင်စီသတင်း ပေး(ဒလန်)တွေနဲ့ စစ်ကောင်စီ ယန္တရားဆက်လက် လည် ပတ်နိုင်ရေး လုပ်ဆောင်ပေးနေတဲ့ ထောက်တိုင်တွေကို တိုက်ခိုက်မယ်လို့ သတိပေးထားပြီးတဲ့နောက်မှာ ခုလိုအ ပြိုင်အဆိုင်တွေ နှုတ်ထွက်လာကြတာလို့ ဒေသခံတွေကပြောဆိုပါတယ်။
Ayeyarwaddy Times
Reviewed by THITHTOOLWIN
on
20:07
Rating:
No comments:
Post a Comment