ဖယ်ခုံမြို့နယ် မိုးဗြဲတိုက်ပွဲတွင် Karenni Generation Z (KGZ) အဖွဲ့၏တိုက်ခိုက်မှုကြောင့် စစ်ကောင်စီတပ်မှ ၁၁ဦးသေဆုံးပြီး၅ဦးခန့်ထိခိုက်ဒဏ်ရာရရှိခဲ့သည်ဟု KGZ က ယနေ့ (ဖေဖော်ဝါရီ ၁၇) ညတွင် သတင်းထုတ်ပြန်သည်။
မိုးဗြဲမြို့နှင့် အနီးတဝိုက်သို့အင်အားအများအပြား ဖြည့်တင်းဝင်ရောက်လာသည့် စစ်ကောင်စီတပ်ကို ဒေသတွင်း PDFများ၊ KGZ၊ ကရင်နီတပ်မတော်(KA)၊ ကရင်နီအမျိုးသားကာကွယ်ရေးတပ်(KNDF)၊ ကရင်နီဒီမိုကရက်တစ်တပ်ဦး(KDF) စသည့် တော်လှန်ရေးပူးပေါင်းတပ်ဖွဲ့များက ခုခံတိုက်ခိုက်နေရာဖေဖော်ဝါရီ ၁၆ရက်မှစ၍ နှစ်ရက်ဆက် တိုက်ပွဲပြင်းထန်နေသည်။
ဖေဖော်ဝါရီ ၁၇ တိုက်ပွဲတွင် KGZ တာဝန်ယူထားသော နယ်မြေသို့စစ်ကောင်စီတပ်များ စစ်ကြောင်းထိုးဝင်လာ၍ KGZ တပ်သားများ အသင့်အနေအထားဖြင့် တိုက်ခိုက်ရာတွင် စစ်ကောင်စီဘက်မှ ထိခိုက်သေဆုံးမှုများရှိခဲ့သည်ဟု ဖော်ပြသည်။ စစ်ကောင်စီဘက်မှလက်နက်ကြီး အလွန်အကျွံသုံး ပစ်ခတ်ခြင်းကြောင့် KGZ တပ်သားများ ပြန်လည်ဆုတ်ခွာခဲ့ကြောင်း၊ထိုသို့ဆုတ်ခွာစဉ် လက်နက်ကြီးထိမှန်သူ ၂ဦးရှိခဲ့၍ ဆေးခန်းရှိရာသို့ပို့ဆောင်ခဲ့ကြောင်း ထုတ်ပြန်ချက်တွင်ပါရှိသည်။
ယနေ့တိုက်ပွဲတွင်စစ်ကောင်စီတပ်မှသေဆုံးထိခိုက်မှုများပြား၍ လေကြောင်းတိုက်ခိုက်မှုကို ညနေ ၆နာရီနောက်ပိုင်း၌ နှစ်ကြိမ်ပြုလုပ်လာခဲ့သည်ဟုလည်းဖော်ပြထားသည်။ တိုက်ပွဲအတွင်း တော်လှန်ရေးတပ်များမှ ရဲဘော်အချို့ထိခိုက်သေဆုံးမှုများရှိကြောင်းလည်း သက်ဆိုင်ရာအဖွဲ့များကထုတ်ပြန်ထားသည်။
People's Spring
Reviewed by THITHTOOLWIN
on
00:12
Rating:
No comments:
Post a Comment