 |
| ဓာတ်ပုံ- DGB အသေးစားငွေချေးလုပ်ငန်းရုံးခွဲတစ်ခုအား ယမန်နှစ်ကတွေ့ရစဉ် |
တန့်ဆည်၊ ဖေဖော်ဝါရီ ၂၃
စစ်ကိုင်းတိုင်း တန့်ဆည်မြို့နယ်တွင် ပြည်သူများထံမှ ခြိမ်းခြောက်ငွေတောင်းယူနေသည့် အသေးစားချေးငွေလုပ်ငန်း တစ်ခုဖြစ်သော DGB Microfinance Myanmar ရုံးခွဲအား တန့်ဆည်PDF ပူးပေါင်းအဖွဲ့က မိုင်းခွဲတိုက်ခိုက်ရာ အကြမ်းဖက်စစ်ကောင်စီ တပ်သားတစ်ဦးသေဆုံးပြီး အရာရှိတစ်ဦး ဒူးတွင် ဒဏ်ရာရရှိခဲ့ကြောင်း တန့်ဆည်ဖီးနစ် (Phoenix Defence Force - Taze)က ယနေ့ထုတ်ပြန်သည်။
ယမန်နေ့ (ဖေဖော်ဝါရီ ၂၂)ရက်က တန့်ဆည်မြို့ပေါ် ဈေးသစ်အနီးရှိ အသေးစားချေးငွေလုပ်ငန်း ရုံးခွဲကို တန့်ဆည် ဖီးနစ်(Phoenix Defence Force - Taze) နှင့် တန့်ဆည်မြို့နယ်ပြည်သူ့ကာကွယ်ရေးအဖွဲ့ ပ.က.ဖ တို့ပူးပေါင်း၍ မိုင်းခွဲတိုက်ခိုက်ခဲ့ခြင်းဖြစ်ကြောင်း တန့်ဆည် ဖီးနစ်(Phoenix Defence Force - Taze)ထံမှ သိရသည်။
အဆိုပါ DGB ရုံးသည် အသေးစားချေးငွေလုပ်ငန်းဖြစ်ပြီး တော်လှန်ရေးကာလအတွင်း ပြည်သူ့မျက်နာကို ငဲ့ညှာထောက်ထားခြင်းမရှိဘဲ အပတ်စဉ်ငွေကြေးကောက်ခံခြင်းများ၊ ခြိမ်းခြောက် ငွေတောင်းခံခြင်းများ ပြုလုပ် လျက်ရှိသော ချေးငွေလုပ်ငန်းဖြစ်ကြောင်း တန့်ဆည်ဖီးနစ် (Phoenix Defence Force - Taze)က ဆိုသည်။
ယင်းအပြင် အဆိုပါ ချေးငွေလုပ်ငန်းလုပ်ကိုင်သည့် DGB Microfinance Myanmar ရုံးအတွင်း စစ်ခွေး ၊ ရဲခွေးများခေါ်ယူထားခြင်း၊နေ့စဉ်မဟုတ်သော်လည်း အချို့ရက်များတွင်ရုံးပတ်ဝန်းကျင်တွင် ကင်းပုန်းများ ထားရှိခြင်းစသည့် ပြည်သူကိုမျက်နှာမမူသော လုပ်ရပ်များလုပ်ဆောင်လျက်ရှိနေကြောင်း တန့်ဆည်ဖီးနစ် (Phoenix Defence Force - Taze)က ထုတ်ပြန်သည်။
Lu Nge Khit
Reviewed by THITHTOOLWIN
on
22:44
Rating:
No comments:
Post a Comment