ကလေး၊ ဖေဖော်ဝါရီ ၇၊ ၂၀၂၂။
ကလေးမြို့နယ်အတွင်းစစ်ကောင်စီယာဉ်တန်းအား ဖေဖော်ဝါရီလ ၇ ရက်နေ့တွင် ကလေးPDFအဖွဲ့များကပဒေသာမိုင်းများဖြင့် ၃ ကြိမ်ဆွဲတိုက်ခိုက်ရာ စစ်ကောင်စီဘက်က ၁၇ ဦးသေဆုံးပြီး CNDF ရဲဘော်တဦးလက်နက်ကြီးထိ၍ သေဆုံးကာ ၅ ဦးထိခိုက်ဒဏ်ရာရရှိကြောင်း People's Defence Force Kalay တာဝန်ခံက မြေလတ်အသံကိုပြောပါတယ်။
ယာဉ်တန်းတွင် ကား (၈) စီးပါဝင်ကာ စပါးတင်ကား၊ နွားတင်ကား၊ တပ်သားများသယ်လာသောကား များဖြစ်ပြီး မနက် ၁၀ နာရီခွဲခန့်တွင် အောင်ချမ်းသာနဲ့ချောင်းဂွကြားတွင် စတင်မိုင်းဆွဲတိုက်ခိုက်ကြခြင်းဖြစ်တယ်လို့ ဆိုပါတယ်။
"ကလေးမြို့ဘက်ကို သူတို့ရိက္ခာတွေပို့ချင်တယ်လို့ယူဆပါတယ်၊ဒီကားတွေကလည်းပြီးခဲ့တဲ့အပတ်တုန်းကလည်း ကလေးမြို့ဘက်ကနေတောင်ပိုင်းကိုသွားတဲ့ကားတွေပါ၊သူတို့ကမ္ဘာနီထိရောက်ပြီးတော့မှကမ္ဘာနီကနေပြီးမှရန်ကြီးအောင် ရန်ကြီးအောင်မှာက စစ်ကောင်စီရဲ့စခန်းရှိတယ်ပေါ့နော်၊အဲဒီရန်ကြီးအောင်ကနေပြီး စပါးကားတွေနွားကားတွေနဲ့ပြန်လှည့်တာပေါ့နော်၊ရန်ကြီးအောင်မှာညအိပ်ပြီး ဒီမနက်မှာထွက်လာတာပါခင်မျ၊ အောင်ချမ်းသာနဲ့ချောင်းဂွကြားမှာကျနော်တို့စဆွဲတယ်၊မိုင်းဆွဲတဲ့တပြိုင်နက်ထဲကျနော်တို့ပစ်ခတ်တိုက်ခိုက်မှုလုပ်တယ်၊မိုင်းဆွဲတိုက်ခိုက်မှုကောတိုက်ပွဲအနေအထားကောဖြစ်ခဲ့တာပါဗျ၊အံဒီမှာတော့ စစ်ကောင်စီတွေဘက်က ၉ ဦးသေတယ်၊ကျနော်တို့ဘက်ကCNDFတပ်ဖွဲ့မှရဲဘော်တဦးလက်နက်ကြီးထိမှန်ပြီးကျပါတယ်၊ ကျနော်တို့ရဲဘော် ၅ ဦးထိခိုက်ဒဏ်ရာရပါတယ်၊" လို့ People's Defence Force Kalay တာဝန်ခံကပြောပါတယ်။
တိုက်ခိုက်ခံရသော ယာဉ်တန်းဟာ ကလေးဘက်ကို ဆက်ရွေ့သွားပြီး နေ့လည် ၂ နာရီကျော်ခန့်တွင် နတ်မြောင်းနဲ့ စည်သာရွာကြား တွင် ၂ ကြိမ်ထိတွေ့တိုက်ပွဲထပ်မံဖြစ်ပွားကြောင်း သိရပါတယ်။
"ယာဉ်တန်းနဲ့ဆိုပေမဲ့သူတို့ကစစ်ကြောင်း သဘောမျိုးခြေလျင်လျှောက်လာပြီဖြန့်တက်လာတယ်၊ နောက်ကနေကားတွေကလာတယ်၊ အဲဒီနေရာမှာမိုင်းဆွဲတိုက်ခိုက်လိုက်တာပါ၊ အဲဒါပြီးထိတွေ့မှုလည်းဖြစ်ကြတာပါ၊ ဒီနေ့ ၃ ကြိမ်မိုင်းဆွဲတိုက်ခိုက်မှုနဲ့အပြန်အလှန်တိုက်တာတွေပေါ့" လို့ People's Defence Force Kalay တာဝန်ခံကပြောပါတယ်။
စစ်ကောင်စီယာဉ်တန်းများအား PDF Kalay၊ CNDF၊လCDF(KKG)၊ RKDFနှင့် ပ.က.ဖ ပူးပေါင်းတပ်ဖွဲ့များကမိုင်းဆွဲတိုက်ခိုက်ခဲ့ကြောင်းသိရပါတယ်။
မြေလတ်အသံ - Myaelatt Athan
Reviewed by THITHTOOLWIN
on
23:33
Rating:
No comments:
Post a Comment