ကလေး၊ ဖေဖော်ဝါရီ ၁၃၊ ၂၀၂၂။
စစ်ကိုင်းတိုင်း၊ ကလေးမြို့နယ်တောင်ပိုင်း၊ ရန်ကြီးအောင်ကျေးရွာမှာ တပ်စွဲထားတဲ့ စစ်ကောင်စီတပ်စခန်းတခုကို ဖေဖော်ဝါရီလ ၁၂ ရက်နေ့ မနက်အစောပိုင်းမှာ တိုက်ခိုက်ခဲ့တယ်လို့ Chinland Defense Force - Kalay - Kabaw - Gangawတာဝန်ခံက ပြောပါတယ်။
မနက် ၁ နာရီလောက်မှာ လက်နက်ကြီးနဲ့ စတင်တိုက်ခိုက်ခဲ့တာဖြစ်ပြီး စစ်ကောင်စီဘက်က အဆောက်အဦးတွေ ထိခိုက်ပျက်ဆီးတာတွေရှိခဲ့သလို ဒဏ်ရာရသူတွေလည်း များနိုင်တယ်လို့ CDF - KKG အဖွဲ့ တာဝန်ခံက ပြောပါတယ်။
“ကျနော်တို့ဘက်ကအရင်ဆုံး:လက်နက်ကြီးနဲ့ ပစ်ခတ်ခဲ့သလို ရန်သူ့ဘက်ကလည်း လက်နက်ကြီးနဲ့ ပြန်ပြီးတော့မှ တုန့်ပြန်မှုတွေရှိခဲ့ပါတယ်။ အကျအဆုံးတော့မရှိဖို့များတယ်။ ထိခိုက်ဒဏ်ရာရရှိသူကရှိနိုင်တယ်၊။ သူတို့ရဲ့စခန်းအဆောက်အဦးတွေပျက်ဆီးမှုရှိပါတယ်။"လို့ သူကဆက် ပြောပါတယ်။
ဒီတိုက်ခိုက်မှုကို CDF-KKG တပ်ရင်း ၃၊ တပ်ရင်း ၂နဲ့ RKDF တပ်ဖွဲ့တို့က ပူးပေါင်းတိုက်ခိုက်ခဲ့တာဖြစ်ပြီး၊ ပြီးခဲ့တဲ့ ဖေဖော်ဝါရီ ၁၀ ရက် မနက် ၆ နာရီကလည်း CDF-KKG အပါအဝင် ဒေသခံကာကွယ်ရေးတပ်တွေနဲ့ ကလေးမြို့နယ်တောင်ပိုင်း၊ ကြံသာရွာမှာတပ်စွဲထားတဲ့ စစ်ကောင်စီတပ်တို့ တိုက်ပွဲဖြစ်ပွားခဲ့တာကြောင့် စစ်ကောင်စီဘက်က ၁၅ ဦးသေဆုံးပြီး CDF ရဲဘော်တဦးသေဆုံးခဲ့တယ်လို့လည်း သိရပါတယ်။
မြေလတ်အသံ - Myaelatt Athan
Reviewed by THITHTOOLWIN
on
19:47
Rating:
No comments:
Post a Comment