ပုလဲမြို့ ထွေအုပ်ရုံး၊ရဲစခန်းနှင့် ပျူစောထီးခေါင်းဆောင်နေအိမ်တွေ တိုက်ခိုက်ခံရ ခရိုင်စစ်ကောင်စီအဖွဲ့ဝင် နှင့် ပျူစောထီးခေါင်းဆောင်များ သေဆုံး
ဖေဖော်ဝါရီ ၆
ယမန်နေ့ညက ၉နာရီဝန်းကျင်မှာ ပုလဲမြောက်ပိုင်းတပ်ဖွဲ့၊ကနီဒေသခံPDFနဲ့ယင်းမာပင်ဒေသခံPDF အဖွဲ့တို့က ပုလဲမြို့အထွေထွေအုပ်ချုပ်ရေးမှူးရုံးကို လက်နက်ကြီးနဲ့ အချက်ပေါင်းများစွာ ပစ်ခတ်တိုက်ခိုတ်ခဲ့တာပါ။စစ်ကောင်စီဘက်မှလည်း ပြန်လည်ပစ်ခတ်ခဲ့ပါတယ် ထိခိုက်ဒဏ်ရာရသေဆုံး အတိအကျမသိရသေးပါ။
ယမန်နေ့ည ၉နာရီခွဲဝန်းကျင်မှာတော့ ပုလဲပြည်သူ့ကာကွယ်ရေးတပ်ဖွဲ့ (ပ.က.ဖ)လမ်းညွှန်ချက်နှင့်အတူပူးပေါင်းဆောင်ရွတ်နေသော ကျားသစ်နက်၊PRA၊ဒေါင်းနက်ပြောက်ကျားတပ်ဖွဲ့၊MPLတပ်ဖွဲ့ ၊မြိုင်ဒေသခံPDFအဖွဲ့တို့က ပုလဲမြို့ပေါ် ရဲစခန်းကို လက်နက်ကြီးနှင့်ပစ်ခတ်၍ ခရိုင်စစ်ကောင်စီအဖွဲ့ဝင် ဦးမြလေး အိမ်နှင့် မြို့နယ်ပျူစောထီးခေါင်းဆောင် ဦးအေးဉာဏ်ထွန်း(ခ)မောင်ဉာဏ် အိမ်ကို ဝင်ရောက်စီနင်းခဲ့တယ်လို့ သိရပါတယ်။
"ကျွန်တော်တို့ မြို့နယ်(ပ.က.ဖ)အဖွဲ့နဲ့ ပူးပေါင်းတိုက်ပွဲဝင်နေတဲ့ ဒေါင်းနက်ပြောက်ကျား၊ကျားသစ်နက်၊PRA၊MPLတပ်ဖွဲ့၊မြိုင်မြို့နယ်ဒေသခံPDFအဖွဲ့တို့က ပုလဲရဲစခန်းကိုအရင် လက်နက်ကြီးနဲ့ပစ်တယ်ဗျာ ပြီးတော့ မြို့နယ်စစ်ကောင်စီထောက်တိုင်အိမ်တွေကို ဝင်စီးတာပဲ ခရိုင်စစ်ကောင်စီအဖွဲ့ဝင် ကိုမြလေးအိမ်ကို ဝင်ပြီး ဗုံးနဲ့ပစ်တယ် ပြီးတော့ ၂လက်မတူမီးနဲ့ပစ်တယ် အဲ့ဒီအချိန်မှာ စစ်တပ်ဘက်မှ မောင်းပြန်နဲ့ ဆက်တိုက်ဆွဲပစ်တယ် လက်နက်ကြီးနဲ့ လည်းထုတယ် အဲ့ဒီလက်နက်ကြီးအဆံက ကိုမြလေးအိမ်ရဲ့ ဘေးဘက်အိမ်ကို ကျပြီးမီးလောင်တော့တာပဲ။ကျွန်တော်တို့ ဘက်က အဝ(၂)လက်မကျယ်တဲ့ တူမီးနဲ့ထုတော့ ကိုမြလေးအိမ်က စာရွတ်စာတန်းတွေမီးလောင်ပြီး အိမ်ပါမီးစွဲသွားတယ်လို့"တိုက်ပွဲဝင်PDFခေါင်းဆောင်၁ဦးက ပြောပါတယ်။
မနေ့ညက ဖြစ်စဉ်မှာ ခရိုင်စစ်ကောင်စီအဖွဲ့ဝင် ဦးမြလေး၊မြို့နယ်ပျူစောထီးခေါင်းဆောင် ဦးအေးဉာဏ်ထွန်း(ခ)မောင်ဉာဏ် တို့ သေဆုံးခဲ့ပြီး ပျူစောထီးခေါင်းဆောင်တချို့ ဆေးရုံတင်ထားရတယ်လို့သိရပါတယ်။
ဦးမြလေးအိမ်အပါအဝင် လူနေအိမ်(၆)လုံး မီးလောင်ခဲ့ပြီး ညတွင်းချင်း စစ်ဘေးရှောင်ဖို့ ပုလဲမြို့မှထွက်လာတဲ့ အပြစ်မဲ့ပြည်သူ(၂)ဦးလည်း ရဲစခန်းအနီးနားမှာ စစ်ကောင်စီတပ်သားများက ပစ်သတ်ခဲ့တယ်လို့ ကနဦးသိထားရပါတယ်။
Pale Entertainment
Reviewed by THITHTOOLWIN
on
21:42
Rating:
No comments:
Post a Comment