5 February 2022
ဖားကန့်၊ နန့်ယား ကပ်မော်တွင် စစ်ကောင်စီ အမှတ်(၁၁၁)ခ.လ.ရတပ်နှင့် ကေအိုင်အေ အမှတ်(၄၄) တပ်ရင်းတို့ ယနေ့တိုက်ပွဲ သုံးကြိမ်ဖြစ်ပွားခဲ့ပြီး စစ်ကောင်စီတပ်ရင်းမှူးတစ်ဦး သေဆုံးသည့်အပြင် စစ်ကောင်စီတပ် ကျဆုံးမှုများကြောင်း သိရသည်။
တိုက်ပွဲသည် နံနက် ၈နာရီတွင်တစ်ကြိမ်၊ ၁နာရီတွင်တစ်ကြိမ်၊ ၃နာရီကျော်တွင်တစ်ကြိမ် သုံးကြိမ်ဖြစ်ပွား ခဲ့သည်ဟု ဒေသခံတစ်ဦးက ဆိုသည်။
နန့်ယားမှ စစ်ကောင်စီတပ်သည် တိုက်ပွဲ ဖြစ်ပွားရာသို့ လက်နက်ကြီးဖြင့် အချက်ပေါင်း (၇၀)ကျော်ပစ်ကူခဲ့ကြောင်သိရသည်။
ထို့အပြင် စစ်ကောင်စီတပ်သည် လေကြောင်းမှလည်းနှစ်ကြိမ်လာရောက်ပစ်ခတ်ခဲ့ပြီး သေဆုံးသွားသည့်စစ်ကောင်စီစစ်သားများ၏ အလောင်းများကို သယ်ယူသွားကြောင်း သိရသည်။
လေကြောင်းပစ်ခတ်မှုကြောင့်ကပ်မော်ရွာမှ အရပ်သား အမျိုးသားတစ်ဦးသေဆုံးပြီး ၃ဦးထိခိုက်ဒဏ်ရာရရှိကာ နေအိမ်အချို့လည်း ပျက်စီးသွားပြီး ရွာသားများတိမ်းရှောင်နေရသည်ဟု ဒေသခံများက ဆိုသည်။
Kachinwaves
Reviewed by THITHTOOLWIN
on
20:22
Rating:
No comments:
Post a Comment