ရွှေဘိုနယ်တွင် သောင်းကျန်းနေသော စစ်အုပ်စုကို မိုင်းဆွဲ၊ (၂၀)ခန့် ထိခိုက်သေဆုံးဟုဆို၊ မိုင်းဆွဲခံရပြီးနောက် စစ်အုပ်စုက အနီးအနားတွင် ရန်ပြုစရာ လူမရှိသဖြင့် ကောက်ရိုးပုံနှင့်တဲများကို မီးရှို့ဟုဆို၊
ဖေဖေါ်ဝါရီ - ၁၀
ရွှေဘိုခရိုင်အတွင်း ရွာစဉ်ပတ်မွှေ သောင်းကျန်းကာ လူသတ်၊ ဓားပြတိုက်၊ နေအိမ်မီးရှိုခြင်းများ ကျူးလွနတ်နေသော အကြမ်းဖက် စစ်အုပ်စု ယာဉ်တန်းကို ယနေ့ နေ့လည်ပိုင်းက ရွှေဘိုခရိုင် ခင်ဦးမြို့နယ်တွင် မိုင်းဆွဲတိုက်ခိုက်ခဲ့ကြောင်း ရွှေဘိုပြည်သူ့ကာကွယ်ရေးတပ်ဖွဲ့ - SBDF က သတင်းထုတ်ပြန်သည်။
ယနေ့ ဆေဖဖေါ်ဝါရီ(၁၀)ရက် နေ့လည်(၁၂)နာရီခွဲ ဝန်းကျင်က ရွှေဘို-မြစ်ကြီးနားလမ်းအတိုင်း ရေဦးဘက်မှ ခင်ဦးဘက်သို့ မောင်းနှင်လာသည့် စကစ ကားလေးစီးကို ခင်ဦးမြို့နယ် ခင်ဦးလမ်းဆုံအနီးတွင် SBDF တပ်ရင်း(၃) မိုင်းအဖွဲ့က ပဒေသာမိုင်း ခုနှစ်လုံးဖြင့် ဖောက်ခွဲတိုက်ခိုက်ခဲ့ခြင်း ဖြစ်သည်။
“ကားနှစ်စီးကို ကြီးစွာ ထိခိုက်ပျက်စီးစေခဲ့ပြီး ပြည်သူ့ရန်သူ စစ်ခွေး (၂၀)ခန့်ကို ထိခိုက်သေကြေစေခဲ့ပါသည်” ဟု SBDF က ဖော်ပြသည်။
စစ်အုပ်စုသည် မိုင်းဆွခြံရပြီးနောက် ပတ်ဝန်ကျင်ကို ရန်ပြုပစ်ခတ်ကာ အနီးဆုံးရှိ ကောက်ရိုးပုံများကို မီးရှို့ဖျက်ဆီး သောင်းကျန်းသွားကြောင်း၊ ကာကွယ်ရေးရဲဘော်များ အထိအခိုက်မရှိ အောင်မြင်စွာ ဆုတ်ခွာနိုင်ခဲ့ကြောင်း SBDF က ဆိုသည်။
Mandalay Free Press - MFP
Reviewed by THITHTOOLWIN
on
21:52
Rating:
No comments:
Post a Comment