စစ်ကိုင်းတိုင်းဒေသကြီး၊ ကောလင်းမြို့က အမျိုးသားနှစ်ဦးနှင့် အမျိုးသမီး၂ဦး တို့ကို စစ်ကောင်စီတပ်ကသတ်ဖြတ်ခဲ့ပြီး ယင်းတွင် ကောလင်းမြို့နယ်ထွေအုပ်ဝန်ထမ်းတစ်ဦးပါဝင်ကြောင်းသိရသည်။
သတ်ဖြတ်ခံရသည့် ရုပ်အလောင်း ၄ လောင်းကို ယမန်နေ့က ကောလင်းမြို့ပြင်ဘက်တောတစ်နေရာတွင်တွေ့ရှိခဲ့ပြီး စစ်ကောင်စီတပ်စစ်ကြောင်းထိုးလာစဥ်သတ်ဖြတ်သွားခြင်းဖြစ်ကြောင်း ကောလင်းပြည်သူ့ကာကွယ်ရေးတပ်ဖွဲ့ဝင် တစ်ဦးက KNG သတင်းဌာနသို့ပြောသည်။
''အားလုံးလေးယောက်သတ်ခံရတာဗျ။အဲ့ဒီသတ်ခံရတဲ့လေးယောက်မှာ ထွေအုပ်ဝန်ထမ်းအမျိုးသမီးတစ်ယောက်ပါတယ် သူက CDMလုပ်ဖို့တောကိုပုန်းရှောင်လာတဲ့အခါသတ်ခံတာရတာဗျ။ သူတို့စစ်ကြောင်းထိုးတဲ့အခါသတ်ခံရတာဆိုတော့ဘယ်နေ့က သတ်သွားသလဲဆိုတာမသိရဘူး သတ်ခံရတဲ့ရုပ်အလောင်းပဲတွေ့တာ''ဟု ကောလင်း PDF တစ်ဦးကပြောသည်။
သတ်ခံရသည့်လေးဦးတွင် အသက် ၂၈ ဝန်းကျင်တစ်ဦး၊ အသက် ၃၀ ကျော်နှစ်ဦး နှင့် အသက် ၄၀ ဝန်းကျင်တစ်ဦးပါဝင်ကြောင်းသိရသည်။
၎င်းတို့၏ရုပ်အလောင်းများကို ကောလင်း ဒေသခံပြည်သူများက သွားရောက်ကောက်ယူကာ မီးရှို့သဂြိုလ်ပေးခဲ့ကြောင်းသိရသည်။
အလားတူ ယခုရက်ပိုင်းတွင်ကောလင်း မြို့နယ်အတွင်း စစ်ကောင်စီတပ်ကထိုးစစ်ဆင်မှုပိုမိုလုပ်လာပြီး ယမန်နေ့ကလည်း ကောလင်းမြို့နေ အမျိူးသားသုံးဦးနှင့် အမျိုးသမီးတစ်ဦးဖမ်းဆီးခေါ်ဆောင်သွား ကြောင်းသိရသည်။
Kachin News Group
Reviewed by THITHTOOLWIN
on
21:58
Rating:
No comments:
Post a Comment