ဖေဖော်ဝါရီ - ၄
စစ်ကိုင်းတိုင်း ပုလဲမြို့နယ် မင်းတိုင်ပင်ကျေးရွာတွင် စစ်ကောင်စီသည် ရွာထဲကို ဝင်ရောက်သောင်းကြမ်းပြီး ဒေသခံရွာသား သုံးဦးကို မီးရှို့သတ်ဖြတ်ခဲ့ကြောင်း ဒေသခံတို့က ပြောသည်။
ယမန်နေ့ ဖေဖော်ဝါရီ (၃) ရက်က စစ်ကောင်စီတပ်သည် မင်းတိုင်ပင်ရွာကို ဝင်ရောက်သောင်းကြမ်းပြီး ရွှေဆိုင်မှ ရွှေများကို လုယက်ခိုးယူခြင်း၊ ငွေကြေးများအားခိုးယူခြင်း၊ စတိုးဆိုင်များများ အစားအသောက်ရိက္ခာများကို ခိုးယူခြင်းနှင့် အခြားပစ္စည်းများအပါအဝင် ကားသုံးစီးတိုက် ခိုးယူသွားသည့်အပြင် ဒေသခံသုံးဦးကိုလည်း မီးရှို့သတ်ဖြတ်သွားသည်ဟု ဒေသခံတို့က ပြောသည်။
သေဆုံးသူနှစ်ဦးသည် အင်းကန်ရွာသားနှစ်ဦးနှင့် အခြားတစ်ဦးမှာ မည်သည့်ရွာကဖြစ်မည်ကို မသိရသေးကြောင်း ဒေသခံတို့ကပြောသည်။
စစ်ကောင်စီတပ်သည် ဖေဖော်ဝါရီ (၁) ရက်ကလည်း မွေ့တုံရွာမှ အိမ်ခြေ (၂၀၀) နီးပါးနှင့် ပန်းရွာက အိမ်ခြေ (၃၀၀) ခန့်ကို မီးရှို့ဖျက်ဆီးသွားခဲ့သည်။
စစ်ကောင်စီ ပုလဲမြို့နယ်ရှိ ကျေးရွာများကို ယခုလအတွင်း ဆက်တိုက်နေအိမ်များကို သောင်းကြမ်းမီးရှို့ခြင်း၊ သတ်ဖြတ်ခြင်းများကို ဆက်တိုက်လုပ်ဆောင်နေသည်ဟု ဒေသခံတို့က ပြောသည်။
ယခုည (၇) နာရီတွင်လည်း စစ်ကောင်စီတပ်သည် ကိုင်းတွင်းကျေးရွာကိုလည်း မီးရှို့ဖျက်ဆီးနေသည်ဟု ဒေသတို့က ဆိုသည်။
Mandalay Free Press - MFP
Reviewed by THITHTOOLWIN
on
21:23
Rating:
No comments:
Post a Comment