ဖေဖော်ဝါရီ - ၅
မန္တလေးတိုင်း တံတားဦးမြို့မှ ထွက်ခွာလာသည့် ကားခြောက်စီးပါ စကစယာဉ်တန်းကို မိုင်းဆွဲတိုက်ခိုက်ခဲ့ရာ စကစ သုံးဦး ဒဏ်ရာပြင်းထန်ပြီး ဆေးရုံရောက်သွားကြောင်း သတင်းရရှိသည်။
ယနေ့ ဖေဖော်ဝါရီ (၅) ရက်တွင် တံတားဦးမြို့မှလာသည့် ကားခြောက်စီးကို မိုင်းဆွဲတိုက်ခိုက်ခဲ့ကြောင်း TGR ပြည်သူ့ကာကွယ်ရေးတပ်ဖွဲ့ ( Myaung People`s Defense Force TGR) က ထုတ်ပြန်သည်။
TGR ပြည်သူ့ကာကွယ်ရေးတပ်ဖွဲ့( Myaung People`s Defense Force TGR)နှင့် ဇာမဏီပြောက်ကျားတပ်ဖွဲ့ တို့မှ ဦးဆောင်ပြီး မဟာမိတ်ညီနောင်ဖြစ်သော Ngazun Fight Stars နှင့်ပူးပေါင်း၍ မြင်းသည်ရွာနှင့် စကားတည် ရွာကြား အေပတ်ဆီဆိုင်နှင့် ဖက်တီးဆီဆိုင်ကြားတွင် ဒူးရင်သီး ၄ လုံးဖြင့် အမုန်းကျွေးခဲ့ပါတယ်ဟုဖော်ပြထားသည်။
အဆိုပါတိုက်ခိုက်မှုတွင် စကစတပ်ဖွဲ့ထိခိုက်ကျဆုံး အတိအကျအား မသိရသေးသော်လည်း စကစတပ်သား သုံးဦးမှာ ငါန်းဇွန်ဆေးရုံတွင် ဆေးကုသမှုခံယူနေရကြောင်း မြောင်TGR က ဆိုသည်။
Mandalay Free Press - MFP
Reviewed by THITHTOOLWIN
on
19:56
Rating:
No comments:
Post a Comment