ပေါက်၊ ဖေဖော်ဝါရီ ၂၁၊ ၂၀၂၂။
မကွေးတိုင်း၊ ပေါက်မြို့နယ်၊ ဒီးဒုတ်ကွင်းရွာကစစ်ကြောင်းချီလာတဲ့ ပြည်သူ့စစ် (ခ) ပျူစောထီးအဖွဲ့တွေကို ပြီးခဲ့တဲ့ ဖေဖော်ဝါရီ ၁၉ ရက် မနက် ၉ နာရီမှာ ကြားဖြတ်တိုက်ခိုက်ခဲ့တယ်လို့ King Fighter-SGF အဖွဲ့ဆီက သိရပါတယ်။
ဒီးဒုတ်ရွာဟာ စစ်ကောင်စီထောက်ခံသူတွေအများစုနေထိုင်တဲ့ရွာတရွာဖြစ်ပြီး၊ အဲ့ဒီရွာကနေ စစ်ကြောင်းချီတဲ့ပုံစံနဲ့ ထွက်လာတဲ့ ပျူစောထီးအင်အား ၃၀ ကျော်ကို PDF ၄ ဖွဲ့ပေါင်း တိုက်ခိုက်ခဲ့တာကြောင့် ပျူစောထီး ၃ ဦးဒဏ်ရာရရှိသွားတယ်လို့ King Fighter-SGFတာဝန်ခံ မတ်သံလုံက ပြောပါတယ်။
“ ဒီးဒုတ်ကွင်းရွာကတရွာလုံးပျူစောထီးတွေပါ၊ ရွာထိပ်မှာဂိတ်ချပြီးတော့မှ ကားတို့ ဆိုင်ကယ်တို့တားပြီး ပြည်သူတွေကိုအနိုင်ကျင့်ဆပ်ကြေးတောင်းနေကြတာ၊ ရည်ရွယ်ချက်က အဲဒီဂိတ်ကိုဝင်ပစ်ဖို့ ကားနဲ့သွားကြတာ၊ ဂိတ်ကိုမရောက်ခင်မှာ သူတို့အင်အား ၃၀ ဝန်းကျင်လောက်ရှိတဲ့ ပြည်သူ့စစ်ဝတ်စုံ အစိမ်းဝတ်စုံတွေနဲ့ သေနတ်တွေကိုင်ပြီးစစ်ကြောင်းချီတဲ့ပုံစံမျိုးလျှောက်နေတာ၊အဲဒီမှာကျနော်တို့ဘက်ကလက်နက်ကြီးတွေနဲ့စပစ်တယ်၊ “ လို့ သူကပြောပါတယ်။
King Fighter-SGF၊ မဟာမိတ်များဖြစ်သောတပ်ရင်း ၄၊ CAF-MGPDFနဲ့ PPCတို့က ပူးပေါင်းတိုက်ခိုက်ခဲ့တာဖြစ်ပြီး၊ အဲ့ဒီနောက် PDF အဖွဲ့တွေလည်း မိုင်းဆွဲခံခဲ့ရတယ်လို့ King Fighter-SGF ဆီက သိရပါတယ်။
မြေလတ်အသံ - Myaelatt Athan
Reviewed by THITHTOOLWIN
on
00:00
Rating:
No comments:
Post a Comment