မန္တလေးမှ မုံရွာသို့သွားနေသော စကစယာဉ်တန်းအား မဟာမိတ်တပ်များပူးပေါင်းတိုက်ခိုက်၊ စကစဘက်မှ ကားတစ်စီး ထိခိုက်ပျက်စီး

ဖေဖော်ဝါရီ ၆ 

စစ်ကိုင်းတိုင်း၊ မြင်းမူမြို့နယ်၊ ဝမ်းပြည့်ကျေးရွာနှင့် အလက္ကပ္ပကျေးရွာကြားတွင် မန္တလေးမှ မုံရွာသို့သွားနေသော စစ်ကောင်စီယာဉ်တန်း အစီး (၂၀) အား ယမန်နေ့ ညနေ ၃ နာရီခွဲအချိန်က မြင်းမူလျှပ်စီးပြောက်ကျားအဖွဲ့ ၊  မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့ -CDSOM၊ Black Eagle Defence Force-MMU နှင့် People Defence Force Myinmu-MMUPDF တို့မှ ပူးပေါင်းကာ မိုင်း (၈) လုံးဖြင့် မိုင်းဆွဲတိုက်ခိုက်ခဲ့ကြကြောင်း သိရသည်။

အဆိုပါတိုက်ခိုက်မှုကြောင့် စစ်ကောင်စီယာဉ်တန်းမှ တတိယမြောက်ယာဉ်သည် ဆိုးရွားစွာထိခိုက်ပျက်စီး  သွားပြီး စစ်ကောင်စီတပ်သား အသေအပျောက်စာရင်းကိုမူ အတိအကျ မသိရသေးကြောင်း မြင်းမူလျှပ်စီးပြောက်ကျားအဖွဲ့ကထုတ်ပြန်သည်။

စစ်ဆင်ရေးအတွင်း မဟာမိတ်ပြည်သူ့ကာကွယ်ရေးတပ်သားများ အထိအခိုက်မရှိခဲ့ကြောင်း သိရသည်။

PDF Newsflash