စစ်ကိုင်းတိုင်း၊ စစ်ကိုင်းမြို့နယ်၊ ညောင်ပင်ဝန်းရွာရှိ ရှစ်တန်းကျောင်းသားအပါအဝင် အပြစ်မဲ့ညီအကို သုံးဦးအား အကြမ်းဖက်စစ်ကောင်စီတပ်များက သတ်ဖြတ်ခဲ့ကြောင်း ဒေသခံများက ပြောသည်။
ယမန်နေ့ (ဖေဖော်ဝါရီလ ၃ ရက်နေ့)က စစ်ကိုင်းမြို့နယ်၊ ညောင်ပင်ဝန်းကျေးရွာမှ ညီအစ်ကို ၃ဦးအား အကြမ်းဖက်စစ်တပ်မှ လမ်းပြအဖြစ်ဖမ်းဆီးခါ်ဆောင်သွားပြီး မြင်းမူမြို့နယ် မဓုရကျေးရွာတွင် မဓုရရွာသား၁ဦးနှင့်အတူ နှိပ်စက်သတ်ဖြတ်လိုက်ခြင်းဖြစ်ကြောင်း စစ်ကိုင်းမြို့နယ်သတင်းမှန်ပြန်ကြားရေးက သတင်းထုတ်ပြန်သည်။
ဖေဖေါ်ဝါရီလ ၃ရက်နေ့ နေ့လယ်၁၂နာရီခွဲအချိန့်ခန်က မြင်းမူမြို့နယ် နဘဲကြူးကျေးရွာ၊ မကျီးကန်ကျေးရွာ နှင့် မဓုရကျေးရွာသို့ဝင်ရောက်ခဲ့သော အကြမ်းဖက်စစ်ကောင်စီတပ်က လမ်းပြအဖြစ်ဖမ်းဆီးလာခဲ့သည့် ညောင်ပင်ဝန်းကျေးရွာမှ ဦးရဲဝင့်အောင်၏ သားများဖြစ်တဲ့ ကိုကျော်မင်းထွန်း (၂၆)နှစ်၊ ကိုကျော်သူအောင် (၂၄)နှစ်၊ ကိုကျော်မင်းနိုင် ( ၁၇)နှစ် တို့ ညီအကို ၃ဦးနှင့် မဓုရရွာမှ ဦးမြင့်ကျော်၏သား ကိုဇော်မျိုးအောင် (၂၀)နှစ် တို့ကို အကြမ်းဖက်စစ်ကောင်စီတပ်က နှိပ်စက်သတ်ဖြတ်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
အငယ်ဆုံး အသက်၁၇ နှစ်အရွယ်မောင်ကျော်မင်းနိုင်မှာ ရှစ်တန်းကျောင်းသားသာရှိသေးကြောင်း ဒေသခံအချို့က ပြောသည်။
ဇန်နဝါရီလ ၃၁ရက်နေ့ကလည်း အကြမ်းဖက်စစ်ကောင်စီတပ်သည် မြင်းမူမြို့နယ် ပဒတ္တိုင်းရွာမှ အပြစ်မဲ့ရွာသား ၂၀ ကျော်ကို မီးရှို့သတ်ဖြတ်ခဲ့သည်။
People's Spring
Reviewed by THITHTOOLWIN
on
22:16
Rating:
No comments:
Post a Comment