ဖေဖော်ဝါရီ ၂
စစ်ကိုင်းမြို့နယ်၊ ညောင်ပင်ဝန်းကျေးရွာအနောက်ဖက်ရှိ မူးမြစ်တံတားထိပ်တွင် ဇန်နဝါရီလ ၃၀ ရက် ညနေ ၅ နာရီခွဲခန့်မှာ အကြမ်းဖက်စစ်ကောင်စီ လက်အောက်ခံရဲတပ်ဖွဲ့ဝင်များ မိုင်းဆွဲခံရပြီး ၁ ဦးသေဆုံးကာ ၁ ဦး ဒဏ်ရာရကြောင်း PAFD က ယနေ့သတင်းထုတ်ပြန်ပါတယ်။
"မိုင်းဆင်ထားတာကို ရဲတွေ လာရှာတယ်၊ ဆိုင်ကယ် ၂ စီးနဲ့၊ PAFD နဲ့ SUGF တို့က ပူးပေါင်းပြီး မိုင်းဆွဲတာ ရဲ ၁ ဦးသေတယ်၊ ၁ ဦး ဒဏ်ရာရတယ်။ ရဲသေတဲ့သတင်းက ဒီနေ့မှ အတည်ပြုလို့ ရတာပါ"ဟု အာဏာရှင်စနစ် တိုက်ဖျက်ရေးပြည်သူ့တပ်ဖွဲ့ PAFD တာဝန်ရှိသူမှ ပြောပါတယ်။
မိုင်းဆွဲတိုက်ခိုက်ပြီးနောက် PAFD နှင့် SUGF အဖွဲ့ဝင်များ အောင်မြင်စွာ ဆုတ်ခွာနိုင်ခဲ့ကြောင်း သိရပါတယ်။
အခင်းဖြစ်ပွားခဲ့တဲ့ ဇန်နဝါရီလ ၃၀ရက်နေ့ ညကညောင်ပင်ဝန်းရဲစခန်း တပ်ဖွဲ့ဝင်မိသားစုတွေ ရဲစခန်းဝင်းထဲမှာ နေထိုင်ရဲခြင်းမရှိတော့တဲ့အတွက် ထွက်ပြေးတိမ်းရှောင်ခဲ့ကြတယ်လို့ ရဲစခန်းနဲ့နီးစပ်သူတဦးကပြောပါတယ်။
စစ်ကိုင်းမြို့နယ် သတင်းမှန်ပြန်ကြားရေး
Reviewed by THITHTOOLWIN
on
20:40
Rating:
No comments:
Post a Comment