ဒီမော့ဆိုမြို့နယ် စစ်ဘေးရှောင်အများအပြားရှိသည့် နေရာအား စစ်ကောင်စီ လက်နက်ကြီးဖြင့် ပစ်ခတ်တိုက်ခိုက်

မဲခေါင်၊ ဖေဖော်ဝါရီ ၁၀

ကယားပြည်နယ်၊ ဒီးမော့ဆိုမြို့နယ်၊ ​​မြလဲ​ကျေးရွာအုပ်စုအတွင်း အကြမ်းဖက်စစ်​ကောင်စီတပ်ဖွဲ့သည် ယ​နေ့ ဖေ​ဖော်ဝါရီလ(၁၀)​ရက်​​နေ့ နံနက်(၃)နာရီ(၁၀)မိနစ်အချိန်တွင် လက်နက်ကြီးဖြင့် (၅)လုံးခန့်ပစ်ခတ်ခဲ့သည်။

ပစ်ခတ်လိုက်သည့် လက်နက်ကြီး​​ကြောင့်  စစ်​ဘေး​ရှောင်ပြည်သူ အသက်(၄၅)နှစ်အရွယ် အမျိုးသားတစ်ဦး ထိမှန်ခဲ့သည့်အပြင်  ခရစ်ယာန်ဘုရား​ကျောင်း(၁)လုံး၊  စပါးကျီ(၁)လုံး၊ ​နေအိမ်(၁)လုံးနှင့် အိမ်သာ(၁)လုံး လက်နက်ကြီးထိမှန်ပျက်စီးခဲ့သည်။

​​လက်နက်ကြီးကျ​ရောက်​ပေါက်ကွဲမှု​ကြောင့်  စစ်​ဘေး​ရှောင်ပြည်သူလူထုနှင့် ​ဒေသခံပြည်သူအများအပြားထိပ်လန့်ကြောက်ရွံ့ကာ ဘေးလွတ်ရာသို့ ထပ်မံတိမ်းရှောင်​နေရသည်။

အကြမ်းဖက်စစ်​ကောင်စီတပ်ဖွဲ့သည် စစ်​ဘေး​ရှောင်​​​နေ​သော နေရာကို  လက်နက်ကြီးဖြင့် ရည်ရွယ်ချက်ရှိရှိ (၃)ကြိမ်မြောက် ပစ်ခတ်ခြင်းဖြစ်ကြောင်း ဒီမော့ဆို PDF က ထုတ်ပြန်သည်။

MeKong News - မဲခေါင်သတင်း