ဖေဖော်ဝါရီ ၉ ရက်၊ ဘားအံ
စစ်ကောင်စီတပ်နဲ့ ကရင်တပ်မတော် (KNU/KNLA)တို့အကြား ဇန်နဝါရီ တစ်လအတွင်း တိုက်ပွဲမှာ စစ်တပ်ဘက်က (၃၉၉)ဦး သေဆုံးပြီး (၃၁၃)ဦး ဒဏ်ရာရခဲ့တယ်လို့ သိရပါတယ်။
KNU ရဲ့ ကော်သူးလေ အုပ်ချုပ်နယ်မြေအတွင်း KNLA၊ ကရင်အမျိုးသားကာကွယ်ရေးတပ် (KNDO)နဲ့ စစ်ကောင်စီတပ်၊ နယ်ခြားစောင့်တပ် (BGF)တို့အကြား ထိတွေ့ပစ်ခတ်မှု (၄၃၅)ကြိမ် ဖြစ်ပွားခဲ့တယ်လို့ KNU က မနေ့မနက်မှာ ထုတ်ပြန်ထားပါတယ်။
တိုက်ပွဲအတွင်း KNLA, KNDO တို့ဘက်မှ ၇ ဦး ကျဆုံးခဲ့ပြီး (၂၄)ဦး ထိခိုက်ဒဏ်ရာရရှိခဲ့ပါတယ်လို့ ဖော်ပြထားပါတယ်။
ဇန်နဝါရီလအတွင်း စစ်ကောင်စီနဲ့ BGF တို့ရဲ့ လက်နက်ကြီး ပစ်ခတ်မှု၊ လေယာဥ္နဲ့ ဗုံးကြဲမှုတို့ကြောင့် လူထု (၁၂)ဦး သေဆုံးခဲ့ပြီး (၃၂)ဦး ထိခိုက်ဒဏ်ရာရရှိခဲ့ပါတယ်။
KNU ရဲ့ ဒူးသထူ၊ ညောင်လေးပင်၊ ဘိတ်ထားဝယ်၊ မူတြော်နဲ့ ဒူးပလာယာခရိုင်ထဲ စစ်ကောင်စီရဲ့ စစ်ရေးလှုပ်ရှားမှုကြောင့် လူထု ၇ သောင်းကျော် တောတောင်အတွင်း ထွက်ပြေးတိမ်းရှောင်နေရတယ်လို့ ဆက်လက် ဖော်ပြထားပါတယ်။
Shwe Phee Myay News Agency
Reviewed by THITHTOOLWIN
on
21:33
Rating:
No comments:
Post a Comment