23 February 2022
ယနေ့ညနေ ၅နာရီကျော်အချိန်ခန့်တွင် မြစ်ကြီးနားမြို့ တပ်ကုန်းနှစ်ခြင်း ဘုရားကျောင်းအနောက်ဘက်ရှိ လယ်ကွင်းအနီးတွင် အရပ်ဝတ်နှင့် သေနတ်ကိုင်ထားသည့် လူတစ်စုက သေနတ်မိုးပေါ်ထောင်ပစ်ပြီး ဖမ်းဆီးမှုပြုလုပ်နေသည်ကို တွေ့ရသည်ဟု မျက်မြင်တစ်ဦးက ပြောသည်။
NOAH အမျိုးအစားကားနှစ်စီးဖြင့် ဖြစ်ပြီး စစ်ကောင်စီရဲများဖြစ်နိုင်သည်ဟု အဆိုပါမျက်မြင်က ယူဆသည်။
"သေနတ်မိုးပေါ်ထောင်ပစ်တာတော့ ၁၀ ချက်လောက်ဟုတ်တယ်။ ကားထဲမှာ အမျိုးသားတွေနဲ့ အမျိုးသမီးတွေရော ရှိနေတာကိုတွေ့ခဲ့တယ်"ဟု ၎င်းမျက်မြင်တွေ့ခဲ့သူက ဆိုသည်။
၎င်းလယ်ကွင်းအနီးတွင် ကလေးနှင့် လူငယ်များခြင်းလုံးကစားနေချိန် NOAH ကားဖြင့်လူတစ်စုရောက်လာပြီး သေနတ်ပစ်ဖောက်ခဲ့၍ ခြင်းခတ်နေသူများ ခြေဦးတည့်ရာ တကွဲတပြားထွက်ပြေးခဲ့ရသည်ဟု မြစ်ကြီးနားမြို့ခံက ပြောသည်။
မြစ်ကြီးနားမြို့တွင် ပေါက်ကွဲမှုများလည်း မကြာခဏဖြစ်နေပြီး ပူတာအိုဘက်တွင်လည်း စစ်ကောင်စီတပ်နှင့် ကေအိုင်အေ၊ PDF တို့တိုက်ပွဲပြင်းထန်နေကြောင်း သိရသည်။
Kachinwaves
Reviewed by THITHTOOLWIN
on
22:53
Rating:
No comments:
Post a Comment