ကြံသာရွာတွင် တပ်စွဲထားသော စစ်ကောင်စီတပ်နှင့် ပျူစောထီးများအား ပြည်သူ့ကာကွယ်ရေးတပ်များ ပူးပေါင်းတိုက်ခိုက်၊ စကစတပ်သားနှင့် ပျူ (၁၅) ဦးထက်မနည်းသေဆုံး

ဖေဖော်ဝါရီ ၁၀

စစ်ကိုင်းတိုင်း၊ ကလေးမြို့နယ်တောင်ပိုင်း၊ ကြံသာရွာတွင် တပ်စွဲထားသော အကြမ်းဖက်စစ်ကောင်စီတပ်ဖွဲ့များနှင့် လက်ပါးစေပျူစောထီးများအား  ယနေ့နံနက် ၆ နာရီခွဲအချိန်မှစတင်၍ PDF-Kalay၊ CDF-KKG၊ CDF-Hakha၊ RKDF နှင့် ပ.က.ဖ ပူးပေါင်းတပ်ဖွဲ့များက ဝင်ရောက်စီးနင်းတိုက်ခိုက်ခဲ့ပြီး တိုက်ပွဲဖြစ်ပွားချိန် ၃ နာရီခန့်ကြာမြင့်ခဲ့ကြောင်းသိရသည်။

ပြည်သူ့ကာကွယ်ရေးတပ်များ​၏ ပူးပေါင်းတိုက်ခိုက်မှုကြောင့် ယင်းတိုက်ပွဲတွင် စစ်ကောင်စီတပ်သားနှင့် ပျူ‌စောထီး (၁၅) ဦးထက်မနည်းသေဆုံးပြီး အများအပြား ထိခိုက်ဒဏ်ရာရရှိသွားကြောင်း PDF-Kalay ကထုတ်ပြန်သည်။

တိုက်ပွဲအတွင်း ပြည်သူ့ကာကွယ်ရေးပူးပေါင်းတပ်ဖွဲ့များဘက်မှ CDF-Hakha ရဲဘော် (၁) ဦး အသက်ပေးဆပ် စွန့်လွှတ်ခဲ့ရပြီး အခြား (၁) ဦး ထိခိုက်ဒဏ်ရာရရှိခဲ့ကြောင်း PDF-Kalay ကဆက်လက်ထုတ်ပြန်သည်။

ထို့နောက် ဂန့်ဂေါမြို့နယ်မြောက်ပိုင်း မြောက်ခင်ရန်းရွာနှင့် ဟံသာဝတီရွာဘက်မှ  စစ်ကား ၃ စီးဖြင့် စစ်ကောင်စီတပ်ဖွဲ့များ စစ်ကူအင်အားဖြည့်ရောက်ရှိလာသဖြင့် ပြည်သူ့ကာကွယ်ရေးပူးပေါင်းတပ်ဖွဲ့များ ပြန်လည်ဆုတ်ခွာခဲ့ကြောင်း သိရသည်။

PDF Newsflash