တနေကုန်ဖြစ်ပွားခဲ့သည့် ​ငွေ​တောင်ဆည်တိုက်ပွဲ စစ်​ကောင်စီတပ်သား ၃၀ခန့်​သေဟု KNDF အသိ​ပေး

(ယမန်နေ့တိုက်ပွဲက အထိနာ၍ ထွက်ပြေးခဲ့ရသည့် အကြမ်းဖက်စစ်တပ်၏ အခြေအနေ ဖြစ်သည်)

▪️ဖရူဆို တိုက်ပွဲတွင်လည်း စစ်​ကောင်စီတပ်သား သုံးဦး​သေဟုဆို 

ကယားပြည်နယ် ဒီးမော့ဆိုနှင့် ဖရူဆိုမြို့နယ် တိုက်ပွဲတွင် အကြမ်းဖက်စစ်ကောင်စီဘက်မှ ၃၀ကျော်သေဆုံးကြောင်း ကရင်နီအမျိုးသားကာကွယ်​ရေးတပ် (KNDF)က ယနေ့(ဇန်နဝါရီ ၁ရက်)တွင် ထုတ်ပြန်သည်။ 

ယမန်​နေ့ (ဒီဇင်ဘာ ၃၁)ရက်က ဒီးမော့ဆိုမြို့ ငွေတောင်ဆည်အနီးနှင့် မြို့မရဲစခန်းတို့တွင် တပ်စွဲထားသော အကြမ်းဖက်စစ်ကောင်စီစစ်တပ်များကို ကရင်နီတပ်မတော် (KA)၊(KNDF) နှင့် ​PDF ပူးပေါင်းအဖွဲ့တို့မှ ပူးပေါင်းတိုက်ခိုက်ခဲ့သည်။ 

ငွေတောင်ဆည်အနီးရှိ ပြည်အောင်ရတနာဆီဆိုင် အဆောက်အဦးကို မိမိတို့ဘက်မှ ပိတ်ဆို့တိုက်ခိုက်ခဲ့သဖြင့် အကြမ်းဖက် စကစဘက်မှ ၃၀ဦးခန့် ထိခိုက်ကျ ဆုံးမှုရှိနိုင်ကြောင်း KNDF က ခန့်မှန်းသည်။ 

တိုက်ပွဲအတွင်း စစ်တပ်က အထိနာသဖြင့် တိုက်လေယာဥ်နှင့် ရဟတ်ယာဥ်များဖြင့် လေကြောင်း ပစ်ကူတိုက်ခိုက်ခဲ့သည်။

တိုက်ပွဲမှာ နံနက် ၈နာရီခွဲမှ ညနေ ၆ နာရီအထိပြင်းထန်ခဲ့​ပြီးအကြမ်းဖက်စစ်ကောင်စီတပ်ရင်းများမှ လက်နက် ကြီးများအဆက်မပြတ်ပစ်ခတ်ခြင်းကြောင့် KNDF ရဲဘော်တစ်ဦး ဒဏ်ရာပြင်းထန်ခဲ့ပြီး၊ ရဲဘော်အချို့ မစိုးရိမ်ရသော ထိခိုက်မှုများရှိခဲ့သည်။ 

ထို့အပြင် ဖရူဆိုမြို့နယ် ထီသော်တနီးကျေးရွာနှင့် လောတောတနောရွာအနီး ဒီဇင်ဘာ ၃၁ ရက် နေ့လည် ၁၂  နာရီတွင် အကြမ်းဖက်စစ်ကောင်စီတပ်များကို ကရင်နီတပ်မတော် (KA) နှင့် KNDF တို့မှတိုက်ခိုက်ခဲ့သည်။ 

တိုက်ပွဲမှာ ၃ နာရီနီးပါးကြာမြင့်ခဲ့ပြီး အကြမ်းဖက် စစ်ကောင်စီတပ်သား သုံးဦးသေဆုံးခဲ့ပြီး ၎င်းတို့ဘက်မှ တစ်စုံတစ်ရာထိခိုက်မှုမရှိခဲ့ဟု KNDFက ဆိုသည်။ 

People's Spring