KIA ၊ မြို့လှ PDF ပူးပေါင်းအဖွဲ့နှင့် စကစတို့ ချောင်းဝရွာအနီး တိုက်ပွဲဖြစ်ပွားပြီး စကစဖက်မှ ၅ ဦး သေဆုံး

မြို့လှ PDF + KIA ပူးပေါင်းအဖွဲ့နှင့် အကြမ်းဖက်စစ်ကောင်စီတပ်တို့အကြား ယနေ့ ဇန်နဝါရီလ၂ ရက်၊ နံနက် ၉:၅၆ နာရီခန့်တွင် စစ်ကိုင်းတိုင်း၊ ကသာမြို့နယ် ချောင်းဝရွာအနီး တိုက်ပွဲများဖြစ်ပွားခဲ့ရာ စကစဖက်မှ ၅ ဦးသေဆုံးကာ အများအပြား ဒဏ်ရာရခဲ့သည်။

စကစတပ်မ ၈၈ လက်အောက်ခံ ခမရ ၄၁၆ တပ်ရင်းမှူးထွန်းရန်နိုင် ဦးဆောင်သော အင်အား ၇၂ ဦးခန့်သည် မိုးတားလေးရွာ၏အထက်ဖက် ချောင်းဝရွာသို့ ခြေလျှင်ထွက်ခွာလာစဥ် ဆင်ကုန်တိုင်ရွာအမြီးအရောက်တွင် မြို့လှ PDF + KIA ပူးပေါင်းအဖွဲ့တို့က ဆီးကြိုတိုက်ခိုက်ရာမှ တိုက်ပွဲဖြစ်ပွားခဲ့သည်။

မြို့လှ PDF တပ်ခွဲ ၂ မှ ဗိုလ်ဇာမဏီ ဦးဆောင်ပြီး တိုက်ပွဲဖြစ်ပွားချိန် မိနစ် ၂၀ ခန့် ကြာခဲ့သည်။ 

အဆိုပါတိုက်ပွဲအတွင်း စကစဖက်မှ ၅ ဦးကျဆုံးကာ အမြောက်အများ ဒဏ်ရာရရှိခဲ့သည်။ စကစဖက်မှ ပြန်လည်ပစ်ခတ်ခဲ့ပြီး မြို့လှ PDF ဖက်မှ အထိအခိုက်မရှိ ထွက်ခွာနိုင်ခဲ့သည်။ 

ယမန်နေ့ညပိုင်းတွင်လည်း ကသာဖက်မှတက်လာသော စကစ​ခြေလျှင်တပ်နှင့် မြို့လှ PDF တို့ အထက်သံပုရာရွာအနီးတွင် ထိတွေမှုတစ်ကြိမ် ဖြစ်ပွားခဲ့ရာ စကစဖက်မှာ အများအပြား ထိခိုက်ခဲ့ပြီး မြို့လှ PDF ဖက်မှ အထိအခိုက်မရှိပဲ ပြန်လည်ထွက်ခွာခဲ့သည်ဟု မြို့လှPDFတပ်ဖွဲ့က ထုတ်ပြန်ထားသည်။

သံလွင်ခက် - Than Lwin Khet News