မြောင်မြို့နယ်တွင် စစ်ကောင်စီတပ် မီးရှို့ဖျက်ဆီးခဲ့သော နေအိမ်များအား ပြည်သူ့ကာကွယ်ရေးတပ်ဖွဲ့များက ငွေနှင့်ပစ္စည်းများ ထောက်ပံ့
စစ်ကိုင်းတိုင်း မြောင်မြို့နယ်တွင် အကြမ်းဖက်စစ်ကောင်စီတပ်၏ မီးရှို့ဖျက်ဆီးခြင်းခံရသော နေအိမ်၁၉လုံးမှ အိမ်ထောင်စုများအား ပြည်သူ့ကာကွယ်ရေးအဖွဲ့များက ထောက်ပံ့ကူညီမှုများ ပြုလုပ်ခဲ့သည်။
မြောင်မြို့နယ်ရှိ ချောင်းဇင်းရွာတွင် အကြမ်းဖက်စစ်ကောင်စီတပ်၏ မီးရှို့ဖျက်ဆီးခြင်းခံလိုက်ရသော နေအိမ်များအတွက် မြောင်မြို့နယ်ကာကွယ်ရေးအဖွဲ့များမှ ပြည်သူများ၏ ထောက်ပံ့ကူညီငွေများဖြင့် ပြန်လည်ဝိုင်းဝန်းကူညီ စောင့်ရှောက်မှုပြုလုပ်ခဲ့ကြောင်း ၎င်းအဖွဲ့များက အသိပေးသည်။
ပြောက်ကျားလင်းယုန်အဖွဲ့မှ ဆန် ၃အိတ် ၊ ဆီ၅ ပိဿာ၊ YFPDFမှ ကျပ်တစ်သိန်း ၊CDSOM တောင်ပိုင်း ဗိုလ်ကျားသစ်အဖွဲ့မှ ကျပ်တစ်သိန်း၊ CDSOM အနောက်ပိုင်း မုန်တိုင်းအဖွဲ့မှ ကျပ်တစ်သိန်း၊ M2W မြောင်အမျိုးသမီးစစ်သည်တော်တပ်မှ ကျပ်နှစ်သိန်း ၊Chindwin Youth အလှုရှင်အဖွဲ့မှ ကျပ်သုံးသိန်း၊ MUAမြောင်ပြည်သူ့တပ်မတော်မှ ကျပ်နှစ်သိန်း ၊ မြောင်မြိုနယ်ပြည်သူ့ကာကွယ်ရေးနှင့် လုံခြုံ ရေးအဖွဲ့ CDSOM မှ ကျပ်ငါးသိန်းနှင့် ဆန်တစ်အိတ်၊ စုစုပေါင်းကျပ် ၁၅သိန်း၊ ဆန် ၄အိတ်နှင့် ဆီ ၅ပိဿာတို့ကို စုပေါင်းမျှဝေကူညီခဲ့ကြကြောင်း၊ ပြည်သူ့ကာကွယ်ရေးအဖွဲ့များမှသည် ပြည်သူများထံသို့ပြန်လည် ဝေမျှဖေးမကူညီသွားမည်ဟု အသိ ပေးထားသည်။
အကြမ်းဖက်စစ်ကောင်စီအား ခုခံတိုက်ခိုက်နေကြသည့် နယ်များတွင် စစ်ကိုင်းတိုင်းမြောင်မြို့နယ်သည်လည်းတစ်ခု အပါအဝင်ဖြစ်ပြီး အမျိုးသမီး PDFအဖွဲ့ပါ ထူထောင်ထားသည်။
People's Spring
Reviewed by THITHTOOLWIN
on
19:45
Rating:
No comments:
Post a Comment