ပေါင်းတည်၊ ဇန်နဝါရီ ၃၊ ၂၀၂၂။
ပဲခူးတိုင်းအနောက်ခြမ်း၊ ပေါင်းတည်ဘူတာအနီးမှာ ဒီမနက် ၈ နာရီခွဲကျော်က ဗုံးပေါက်ကွဲပြီးစစ်ကောင်စီ ၂ ဦးသေဆုံးကာ၊ ၃ ဦး ပြင်းထန်ဒဏ်ရာရရှိသွားတယ်လို့ မြို့ခံတဦးကပြောပါတယ်။
မီးရထားဘူတာကို ကင်းစောင့်ဖို့လာချိန်မှာ ဗုံးဖောက်ခွဲခံရတာလို့ သိရပါတယ်။
"သူတို့ကနေ့စဥ်ဘူတာကင်းစောင့်လာတယ်။ အဲအချိန်မှာ ဗုံးပေါက်တာ ၂ ယောက်သေတယ်၊ ၁ယောက်ကို ရန်ကုန်သယ်သွားတယ်။ ၂ ယောက်ကတော့ ဒဏ်ရာ ရမရမကြားမိဘူးဗုံးသံက ၂ ချက်ကြားလိုက်တယ်။ တချက်ကတိုးတယ်"လို့မြို့ခံတဦးက မြေလတ်အသံကို ပြောပါတယ်။
စစ်ကောင်စီတွေသေဆုံးတဲ့နေရာအနီးကို စစ်သားနဲ့ ရဲအင်အားအများအပြားလာရောက်ကာ သယ်ဆောင်သွားပြီး သေနတ်သုံးချက် ပစ်ဖောက်ခဲ့တယ်လို့လည်း သိရပါတယ်။
ပေါင်းတည်မြို့နယ်အတွင်း ပြီးခဲ့တဲ့ရက်ပိုင်းက ပေါင်းတည်ပြည်သူ့ကာကွယ်ရေးတပ်ဖွဲ့ PPDF က တပ်ဖွဲ့ဝင်တဦးဖြစ်သူ ကိုချစ်ရိူင်းကို အောက်တိုဘာ ၂၆ ရက်နေ့မနက်က စစ်ကောင်စီက ပစ်ခတ်သတ်ဖြတ်ခဲ့တဲ့အတွက် ကျဆုံးခဲ့ရပါတယ်။
မြေလတ်အသံ - Myaelatt Athan
Reviewed by THITHTOOLWIN
on
17:44
Rating:
No comments:
Post a Comment