ဒီးမော့ဆိုမြို့နယ်မှာ တိုက်ပွဲပြင်းထန်လျက်ရှိပြီး တစ်ရက်ထဲမှာ စစ်ကောင်စီက ရဟတ်ယာဥ်ဖြင့် (၃) ကြိမ်လာရောက်ပစ်ခတ်ခဲ့
 |
| Photo - CJ |
ယမန်နေ့ ( ဇန်နဝါရီလ ၂၄ရက်နေ့) ကရင်နီပြည်နယ် ဒီးမော့ဆိုမြို့ စံပြ၆မိုင်အုပ်စုမှာ တစ်နေကုန် တိုက်ပွဲပြင်းထန်ခဲ့ပြီး စစ်ကောင်စီက ရဟတ်ယာဉ်ဖြင့် (၃)ကြိမ်လာရောက်ပစ်ခတ်ခဲ့တယ်လို့ KNDF က ဇန်နဝါရီလ ၂၅ရက်နေ့မှာ ထုတ်ပြန်ထားပါတယ်။
ထိခိုက်ကျဆုံးမှုများပြားခဲ့တဲ့ စစ်ကောင်စီဟာ ရဟတ်ယာဉ်အသုံးပြု တိုက်ခိုက်ခဲ့တာကြောင့် ရဲဘော်တစ်ဦး ဒဏ်ရာအနည်းငယ်ရရှိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
စစ်ကြောင်းထိုးလာတဲ့ စစ်ကောင်စီနဲ့ ကရင်နီတပ်မတော် (KA)၊ KNDF နှင့် PDF ပူးပေါင်းမဟာမိတ်တပ်ဖွဲ့တို့ တိုက်ပွဲဖြစ်ပွားခဲ့တာဖြစ်ပါတယ်။
ဒီးမော့ဆိုမြို့နယ်နဲ့ လွိုင်ကော်မြို့နယ်မှာ တိုက်ပွဲပြင်းထန်တာ ၅ရက်ဆက်တိုက်ရှိနေပြီဖြစ်ပြီး စစ်ကောင်စီက အင်တာနက်ဖြတ်တောက်မှုတွေလည်း ပြုလုပ်နေပါတယ်။
အရပ်သားပြည်သူတွေကို စစ်တပ်ယူနီဖောင်းများ ဝတ်ခိုင်းပြီး လမ်းပြအဖြစ်ခေါ်ယူခြင်း၊ လူသားဒိုင်းသုံးခြင်း၊ ပြည်သူ့အိုးအိမ်တွေကို မီးရှို့ဖျက်စီးခြင်း၊ ဖောက်ထွင်းခိုးယူခြင်း စတဲ့ စစ်ရာဇဝတ်မှုများကို ကျူးလွန်သည်သာမက ပြည်သူတွေရဲ့ အသက်ရှင်ရပ်တည်ရေးအတွက် အဓိကလိုအပ်သော ရိက္ခာတွေကို ဖျက်စီးခြင်းသည် လူသားမျိုးနွယ်များအပေါ် ရာဇဝတ်မှုကျူးလွန်ခြင်းကို ချိုးဖောက် ကျူးလွန်နေခြင်းပင်ဖြစ်တယ်လို့ KNDF က ထုတ်ပြန်ထားပါတယ်။
Kantarawaddy Times
Reviewed by THITHTOOLWIN
on
19:24
Rating:
No comments:
Post a Comment